२ जेठ, काठमाडौं । क्रिकेटर सन्दीप लामिछानेलाई बलात्कारको मुद्दामा उच्च अदालत पाटनद्वारा सफाइ दिइएको छ।

उच्च अदालत, पाटनका न्यायाधीशद्धय सुदर्शनदेव भट्ट र अञ्जु उप्रेती ढकालको इजलासले जिल्ला अदालत, काठमाडौंको फैसला उल्ट्याउदै सन्दीपलाई सफाइ दिएको प्रवक्ता विमल पराजुलीले जानकारी दिए । ‘जिल्ला अदालतले जुन फैसला गरेको थियो, त्यो पूर्ण रुपमा उल्टिएको छ’ उनले भने, ‘सन्दीपले पूर्ण रुपमा सफाइ पाउनुभएको छ ।’

Advertisement:

१३ पुस, २०८० मा लामिछानेलाई बलात्कारको मुद्दामा दोषी ठहर गर्दै जिल्ला अदालत काठमाडौंले ८ वर्ष जेल सजायको फैसला सुनाएको थियो । ५ भदौ २०७९ मा सिनामंगलस्थित एक होटलमा राखी बलात्कार गरेको लामिछानेविरुद्ध पीडित (गौशला २६) ले २१ भदौमा जाहेरी दिएकी थिइन् ।

लामिछानेविरुद्द उजुरी पर्दा क्रिकेट खेलका क्रममा विदेशमा रहेका लामिछाने नेपाल नआई सम्पर्कविहिन भएपछी प्रहरीले इन्टरपोलमा डिफ्युजन नोटिस जारी गरेको थियो । २० असोजमा नेपाल आएका सन्दीप विमानस्थलबाटै पक्राउ परे, जिल्लाले पुर्पक्षका लागि थुनामा पठायो । तर उच्च अदालत, पाटनले पुष २९ गते २० लाख धरौटीमा सन्दिपलाई छाडेको थियो ।

• #अदालत
• #उल्टियो
• #क्रिकेट
• #फैसला
• #सन्दीप लामिछाने