लेक लागेर विरामी परेपछि ४ पर्यटकको हेलिकप्टरमार्फत उद्धार
![Manang-Air-rescue-forgain-tourist](https://www.tatokhabar.com/wp-content/uploads/2024/04/Manang-Air-resque.jpg)
मनाङ / विकट जिल्ला मनाङ भ्रमणमा आएका ५ जना विदेशी पर्यटक लेक लागेर विरामी परेपछि उनीहरुलाई उद्धार गरिएको छ। आज मनास्लु पदमार्गअन्तर्गत नासों गाउँपालिका-७ भिमताङबाट हेलिकप्टरमार्फत पर्यटकको उद्धार गरिएको हो।
लार्केपास गइरहेका ५ जना पर्यटकको उद्धार गरिएको प्रमुख जिल्ला अधिकारी सुवासकुमार लामिछानेले जानकारी दिए।
उनका अनुसार भिमताङबाट चामेमा ल्याएर सामान्य उपचारपछि उनीहरुलाई काठमाडौँ पठाइएको छ।
दक्षिण अफ्रिकाका २ जना, न्युजिल्याण्डका २ जना र एकजना नेपाली गाईडको उद्धार गरिएको प्रजिअ लामिछानेले बताए । उनका अनुसार लेक लागेर पर्यटक विरामी भएपछि हेलिकप्टरमार्फत उद्धार गरी उपचारका लागि लगिएको हो।
![](https://www.tatokhabar.com/wp-content/uploads/2023/10/daju-bhai-ad-1.gif)