काठमाडौँ / प्रधानमन्त्री केपी शर्मा ओलीले काठमाडौँमा आजदेखि सञ्चालनमा आएको हिल्टन होटलले विदेशी पर्यटक बढाउन सहयोग गर्ने बताएका छन्।

नक्सालमा निर्माण भएको हिलटन होटलको शुभारम्भ गर्दै उनले अन्तर्राष्ट्रिय चेन होटल हिलटनले काठमाडौँमा पहिलो पटक सेवा सुरु गरेको उल्लेख गर्दै सफलताको शुभकामना समेत दिए। “हिलटन होटल सञ्चालनमा आएपछि मुलुकको पर्यटन तथा आतिथ्य क्षेत्रमा महत्वपूर्ण योगदान गर्नेमा विश्वास छ”, उनले भने।

Advertisement:

उक्त होटल शङ्कर ग्रुपले आठ अर्ब लगानीमा निर्माण गरेको हो। सात वर्षअघि निर्माण सुरु भएको हिलटन होटलमा एक सय ७४ रुम छन्। अन्तर्राष्ट्रिय चेन होटल हिलटन विभिन्न २४ वटा ब्राण्डमा सञ्चालित छ। हाल हिलटनका ब्राण्ड विश्वका १२६ देशमा फैलिएको छ।

• #केपी शर्मा ओली
• #पर्यटक
• #प्रधानमन्त्री
• #विदेशी पर्यटक
• #हिल्टन