हेटौंडा, भदौ ३१ । मकवानपुरमा प्रहरीले हालसम्मकै सबैभन्दा ठूलो परिणाममा लागूऔषध गाँजा बरामद गरेको छ । सशस्त्र प्रहरीबल हेटौँडा औद्योगिक क्षेत्रको टोलीले चेक जाँचको क्रममा भारतीय ट्रकबाट ९१९.३२४ किलो लागूऔषध गाँजा बरामद गरेको छ ।

४८ घण्टा अघि आएको विशेष सूचनाको आधारमा आफुहरुले सबारी तलासी गर्दा हेटौँडा बजार क्षेत्रबाट आज बिहान ४ बजे गाँजासहित दुईजना भारतीय नागरिकलाई पक्राउ गरिएको सशस्त्र प्रहरीका एसपी अनिल कार्कीले बताए ।

Advertisement:

ट्रकको भित्री भागमा फल्स बटन बनाएर गाँजा राखि पुनः वेल्डीङ गरेर लुकाएर ल्याएको अवस्थामा गाँजा बरामद गरिएको एसपी कार्कीले बताएका छन् । भारतीय एन एल ०१ एसी २१४४ नंबरको ट्रकबाट गाँजा बरामद भएको हो । भारतबाट मकै लिएर चितवनमा अनलोड गरि चितवनको खुरखुरेबाट गाँजा लोड गरिएको प्रहरीको प्रारम्भिक अनुसन्धानबाट खुलेकोे छ ।

पक्राउ पर्नेहरुमा भारतीय नागरिक भारत बलरामपुर विर्तापुर निवासी चालक करिब ४५ वर्षका दुलारे यादब र सहचालक योगेश बर्मा रहेका छन् । लागु औषध ओसारपसारको लागि पक्राउ परेकाहरुले एउटा नेपाली नाम र नम्बर दिएकाले उत्त विषयमा आफुहरुले अनुसन्धनको लागि प्रक्रिया खघि बढाएको कार्कीले बताए ।

• #गाँजा
• #बरामद
• #लागूऔषध