जनकपुर / मधेश प्रदेशका मुख्यमन्त्री सरोजकुमार यादवले मधेश प्रदेशका आठवटै जिल्लामा एक एकवटा मेडिकल कलेज स्थापना गर्ने लक्ष्य लिएको बताएका छन् ।

आइतबार नेपाल मेडिकल एसोसिएशन, जनकपुरधामद्वारा आयोजित मधेश हेल्थ सम्मिटमा सम्वोधन गर्दै मुख्यमन्त्री यादवले यस्तो बताएका छन् ।

Advertisement:

यसअघि सहभागीहरुबाट स्वास्थ्यमा बजेट बढाइनुपर्ने मागउपर प्रतिक्रिया व्यक्त गर्दै स्वास्थ्य राज्यमन्त्री भइसकेको हुनाले स्वास्थ्यको महत्व आफूले बुझेको जिकिर ग रे।

‘ प्रदेशमा १५ प्रतिशत बजेट छुट्याएर काम अघि बढाएको छु । आउने दिनमा स्वास्थ्य बजेट बीस पच्चीस प्रतिशतसम्म पुर्‍याइनेछ’, यादवले भने ।

मुख्यमन्त्री यादवले सरकारले कृषि, स्वास्थ्य, शिक्षा र पर्यटन गरी चार क्षेत्रमा ’हब’ बनाइने लक्ष्य लिएको समेत पनि घोषणा गरे । चिकित्साकर्मीहरुको सुविधा र वृतिविकासका लागि उठेको जिज्ञासालाई सम्बोधन गर्दै  यसबारे आफू वचनवद्ध रहेको पनि बताए ।

साथसाथै सेवाको गुणवत्तामा ध्यान दिन उनले चिकित्सकहरुसंग आग्रह गरे । “उपचार राम्रो छ, अलि अलि सुधार पनि भैरहेको छ तर जति सुधार हुनुपर्ने हो हुनसकेको छैन,“ मुख्यमन्त्री यादवले गुनासो गरे ।

स्वास्थ्य तथा जनसंख्या मन्त्री वीरेन्द्र प्रसाद सिंह, पूर्व राज्यमन्त्री डा सुरेन्द्र यादव लगायतले पनि मधेश प्रदेशका स्वास्थ्य क्षेत्रका चुनौती र सम्भावनाबारे आ-आफ्नो धारणा व्‍यक्त गरेका थिए ।

• #मधेश प्रदेश
• #मुख्यमन्त्री
• #सरोजकुमार यादव