तातोखबर, क्रिकेट /  मकवानपुरगढी गाउँपालिकामा क्रिकेट क्लबको गठन गरिएको छ ।

Advertisement:

मकवानपुरगढी गाउँपालिका खेलकुद विकास समितिका संयोजक हिरा स्याङ्तानको अध्यक्षतामा बसेको भेलाबाट “मकवानपुरगढी क्रिकेट क्लब” गठन भएको हो । मकवानपुरगढी गाउँपालिका- ६ डुम्रेकुनामा बसेको भेलाले क्लबको नाम मकवानपुरगढी क्रिकेट क्लब राख्ने निर्णय सर्वसम्मतले पारित गरेको हो । उक्त भेलाले सुवास अधिकारी अध्यक्ष रहनेगरि ९ सदस्यीय समितिको गठन पनि गरेको छ ।

मकवानपुरगढी गाउँपालिका खेलकुद विकास समितिका संयोजक तथा नवगठित क्रिकेट क्लबका सल्हाकार हिरा स्याङ्तानले गाउँपालिकामा धेरै खेलाडी रहेका र यहाँ क्रिकेट खेलाडी पनि रहेका बताए । उनले अन्य खेलमा जस्तै आफुले आगामी बजेटमा  क्रिकेटका लागि  पनि पहल गर्ने प्रतिवद्धता जनाएका छन् ।

क्रिकेटमा खासै लगानी नभएको समयमा क्रिकेट क्लब गठन गर्ने कदम राम्रो भएको स्थानीय युवा खेलप्रेमीहरु बताउंछन् । सबैले साथ दिए राम्रो खेल प्रदर्शन गर्ने खेलाडी गाउँपालिकामा रहेको भेलामा उपस्थित एक खेलाडीले बताए ।

• #क्रिकेट
• #क्लब
• #गठन
• #मकवानपुरगढी गाउँपालिका