काठमाडौं / गण्डकी प्रदेश सरकार मंगलबार विस्तार गरिने भएको छ। कांग्रेस र एमालेबीच मन्त्रालय भागवण्डामा सहमति भएसँगै मंगलबार मन्त्रिपरिषद् विस्तार गरिने भएको हो ।

मुख्यमन्त्री सुरेन्द्रराज पाण्डेले मंगलबार मन्त्री नियुक्त गरी शपथग्रहण गराउने तयारी गरेको कांग्रेस प्रदेश सभाका सदस्य महेश भट्टराईले जानकारी दिए। उनका अनुसार ९ मध्ये कांग्रेसले मुख्यमन्त्रीसहित पाँच र एमालेले चार मन्त्रालय पाउने सहमति भएकाे छ।

Advertisement:

एमालेले भौतिक, पूर्वधार तथा यातायात, कृषि पर्यटन, वन र स्वास्थ्य मन्त्रालय लिने भएको छ। कांग्रेसको भागमा परेका मन्त्रालयमा स्वतन्त्र सांसद राजीव गुरुङ र फणिन्द्र देवकोटालाई नियुक्त गर्ने तयारी छ।

मुख्यमन्त्री पाण्डेले संकटमा साथ दिएका गुरुङ र देवकोटालाई कांग्रेसकै कोटामा मन्त्री नियुक्त गर्ने तयारी थालेका हुन्।

• #गण्डकी प्रदेश
• #प्रदेश सरकार
• #मन्त्रालय भागवण्डा
• #मुख्यमन्त्री सुरेन्द्रराज पाण्डे
• #सरकार विस्तार