काठमाडौं / गुल्मीकाे चन्द्रकोट गाउँपालिका-८ मजुवाका एक किशाेरलाई खोलाले बगाउँदा बेपत्ता भएका छन्। मनबहादुर कुमालका छोरा १६ वर्षीय असिम कुमाललाई खोलाले बगाएको हो।

आइतबार बिहान साढे ८ बजेतिर माछा मार्ने क्रममा कुमाललाई बडिगाड खोलाले बगाएको जिल्ला प्रहरी कार्यालय गुल्मीका सूचना अधिकारी, डीएसपी शंकर पोखरेलले जानकारी दिए।

Advertisement:

प्रहरी चौकी मजुवाका प्रहरी सहायक निरीक्षक रामबहादुर कार्कीको कमाण्डमा चार जनाको प्रहरी टोली, सशस्त्र प्रहरी विपत उद्धार बेसबाट सहायक प्रहरी नायब निरीक्षक खडग पेमीको कमाण्डमा सातजनाको टोली र स्थानीयसमेत खोजी भइरहेकाे प्रहरीले जनाएको छ।

• #चन्द्रकोट गाउँपालिका
• #जिल्ला प्रहरी कार्यालय
• #बेपत्ता