विषयगत शिक्षक सरुवा गर्दा त्रैमासिक परीक्षा रोकियो
तातो खबर
गुलरिया / जिल्लाको राजापुर नगरपालिका–४ मा रहेको अमर शहीद श्री दशरथ चन्द माध्यमिक विद्यालयमा सामाजिक विषयको शिक्षक नहुँदा कक्षा ९ को त्रैमासिक परीक्षा रोकिएको छ।
नगरपालिकाले दरबन्दी मिलान गर्ने भन्दै विद्यालयमा कार्यरत सामाजिक विषयको शिक्षकलाई अन्यत्र सरुवा गरेपछि पदपूर्ति नगरिदिँदा ३ महिनादेखि विद्यालयमा सामाजिक विषयको अध्यापन गराउने शिक्षक नभएकाले परीक्षा रोकिएको हो।
दरबन्दी मिलानका क्रममा गत जेठमा नगरपालिकाले विषयगत शिक्षक सरुवा गरेपछि हालसम्म पनि पदपूर्ति नभएको विद्यालयका प्रधानाध्यापक सरोजकुमार झाले जानकारी दिए। उनका अनुसार कक्षा ९ मा १५० विद्यार्थी अध्ययनरत छन्।
“अरु विषयको शिक्षक अभाव नभएकाले प्रश्नपत्र तयार गरी त्रैमासिक परीक्षा भइसकेको छ”, प्रअ झाले भने, “सामाजिक विषय शिक्षक अभावमा प्रश्नपत्र नबन्दा परीक्षा हुन सकेको छैन।”
उनका अनुसार सोही विषयको एकजना शिक्षक २ वर्षअघि निलम्बनमा परेका थिए। उनको ठाउँमा आएका शिक्षक पनि दरबन्दी मिलानका क्रममा गत जेठमा सरुवा भएपछि पठनपाठन प्रभावित भएको हो।
नगरपालिकासँग पटकपटक शिक्षक माग गरिरहेको भए पनि हालसम्म सुनुवाइ नभएको उनले उल्लेख गरे।
विद्यालयमा सामाजिक मात्र नभई गणित, अङ्ग्रेजी विषय शिक्षकको समेत समस्या रहेको विद्यालय व्यवस्थापन समितिका अध्यक्ष राजकुमार उपाध्यायले बताए।
“कक्षा १२ (प्लस टू)मा पनि राजनीति शास्त्रको विषयगत शिक्षक अभाव छ। पटकपटक शिक्षक माग गर्दा नगरपालिकाले कार्यविधि बनाएर व्यवस्था गर्ने बताउँदै आएको छ। नगरपालिकासँग समन्वय गरी समस्या समाधान गर्नेछौँ”, उनले भने।
सामाजिक विषय शिक्षकसहित अभाव रहेका शिक्षकको दरबन्दी आह्वान गरेर शिक्षक पदपूर्ति गर्ने योजना रहेको नगरपालिकाका शिक्षा शाखा प्रमुख दलबहादुर चौधरीले बताए।
“तल्लो तहको शिक्षकले योग्यता पुगे माथिल्लो कक्षामा पढाउन सक्ने शिक्षा नियमावलीको प्रावधान छ। विद्यालयमा केही शिक्षकले पढाएको कक्षा कम देखिएका विद्यालयसँग बसेर छलफल गर्ने तयारीमा छौँ”, उनले भने।
प्रतिक्रिया दिनुहोस् :
तातोखबर
धेरै हेरिएको
-
आत्महत्या गरेका देवकोटालाई नेपाल इन्भेष्टमेन्ट मेगा बैंकमा उपस्थित हुन ३५ दिने सुचना
-
बैंकका अपरेशन इन्चार्जमाथि प्रभु बैंक गण्डकी प्रदेश अधिकृतको हातपात
-
कृषि बीमाको सरकारी अनुदान ठग्ने शिखर इन्स्योरेन्सलाई किन भएन कारबाही? के गर्दै छ प्राधिकरण
-
चन्द्रागिरि हिल्स : धर्मको नाममा लुट्ने मेसो, भालेश्वर मन्दिर दर्शन गर्न कम्तिमा १०० तिर्नुपर्ने
