काठमाडौं / लोकप्रिय स्पेनिस लालिगा सिजन २०२४–२५ सुरु भएको छ।  गएराति भएको उद्घाटन खेलमा  गेटाफे र एथलेटिकले बराबरी खेल्दै अंक बाँडेका छन्।

एस्टाडियो डे सान मामेसमा गएराति सम्पन्न सिजनको पहिलो खेलमा गेटाफे र एथलेटिक क्लबले १–१ गोलको बराबरी खेल्दै अंक बाँडेका हुन्।​

Advertisement:

क्रिस्टेन्टस उचेले दोस्रो हाफमा बराबरी गोल फर्काएपछि गेटाफे एथलेटिक क्लबलाई बराबरीमा रोक्न सफल भयो। योसँगै दुवै टोलीले एक अंकका साथ नयाँ सिजनको सुरुवात गरेका छन्।​

एथलेटिकले पछिल्लो पाँच सिजन आफ्नो पहिलो खेल जित्न सकेको छैन भने गेटाफेले पनि लगातार ४ सिजन आफ्नो पहिलो खेल जितेको छैन।

गएरातिनै सम्पन्न सिजनको दोस्रो खेलमा रियाल बेटिस र जिरोनाले पनि १–१ गोलको बराबरी खेल्दै अंक बाँडे।

• #खेल
• #खेलकुद
• #फुटबल
• #लालिगा