काठमाडौं / पहिरोका कारण पृथ्वी राजमार्ग अवरुद्ध भएको छ। बुधबार बिहान इच्छाकामना गाउँपालिका-४ स्थित नाग्दी खोला भन्ने स्थानमा ढुङ्गासहितको पहिरो खसेपछि सडक अवरुद्ध भएको हो।

प्रहरीका अनुसार पहिरोका कारण सडक पूर्ण अवरुद्ध छ। सवारीसाधन र यात्रुहरु बीच बाटोमै रोकिएका छन्।

Advertisement:

पहिरो सफा गर्ने कार्य शुरु भएको चितवनका प्रमुख जिल्ला अधिकारी इन्द्रदेव यादवले बताए। उनका अनुसार पहिरो पन्छाउन डेढदेखि दुई घण्टा समय लाग्नेछ।

सडक विभागसँग समन्वय गरी लोडर प्रयोग गरेर सडक खुलाउने प्रयास भइरहेको छ।

• #इच्छाकामना गाउँपालिका
• #पहिरो
• #पृथ्वी राजमार्ग
• #सडक अवरुद्ध
• #सडक विभाग