सिन्धुपाल्चोक / सिन्धुपाल्चोकको लिसङ्खु पाखरमा पहिरोले घर पुर्दा दुई जनाको मृत्यु भएको छ।

लिसङ्खु पाखर गाउँपालिकाका अध्यक्ष राजु लामाका अनुसार गएराति आएको पहिरोले पुरिएर वडा नं ३ का पूर्वअध्यक्ष काजीबहादुर लामा र उनकी श्रीमतीको मृत्यु भएको हो।

Advertisement:

घरमा सुतिरहेकाको वेला राति १ बजेतिर आएको पहिरोले पुरिँदा दुवै जनाको मृत्यु भएको अध्यक्ष लामाले जानकारी दिए।

यता अविरल वर्षाका कारण  सुनकोसी नदीले खतराको तह पार गरेको छ । अरनिको राजमार्गलगायत अन्य सहायक मार्गमा पहिरोका कारण सडक अवरुद्ध भएको छ।

यस्तै इन्द्रावती नदीमा आएको बाढी इन्द्रावती तेस्रो जलविद्युत् आयोजनामा पस्दा आयोजना बन्द भएको आयोजनाका कर्मचारी विनोद कार्कीले जानकारी दिए।

मेलम्ची खोलामा आएको बाढीले मेलम्ची-७ र हेलम्बु गाउँपालिका-४ जोड्ने तालामाराङ डाँडापसलको झोलुङ्गे पुल उच्च जोखिममा रहेको स्थानीय तारा गिरीले बताए।

• #पहिरो
• #मृत्यु
• #लिसङ्खु पाखर गाउँपालिका
• #सिन्धुपाल्चोक