काठमाडौं / प्रतिनिधिसभाको बैठक आज दिउँसो १ बजे बस्दैछ। बैठकमा सभामुख देवराज घिमिरेले प्रतिनिधि सभा अन्तर्गतको विषयगत समितिहरुमा सदस्यहरुको नाम हेरफेर गर्नेछन्।

यस्तै शिक्षा, विज्ञान तथा प्रविधि मन्त्री विद्या भट्टराईले राष्ट्रिय सभामा उत्पत्ति भएको “शहीद दशरथ चन्द स्वास्थ्य विज्ञान विश्वविद्यालय विधेयक, २०८० माथि विचार गरियोस्” भनी प्रस्ताव प्रस्तुत गर्ने संसद सचिवालयले जनाएको छ।

Advertisement:

यसैबीच प्रतिनिधिसभा अन्तरगतकै कानून, न्याय तथा मानव अधिकार समितिको बैठक आज बस्दैछ। बिहान ९ बजे बस्ने बैठकमा नेपालका बाल सुधार गृहमा रहेका बालबालिकाहरू र नेपालका कारागारहरूमा रहेका कैदी तथा थुनुवाहरूको मानव अधिकारको अवस्थाका सम्बन्धमा स्थलगत अनुगमन गर्न गठित उपसमितिहरूको प्रतिवेदन पेस हुने र छलफल गर्ने कार्यसुचि रहेको छ।

• #देवराज घिमिरे
• #प्रतिनिधिसभा
• #बैठक
• #विधेयक
• #शहीद दशरथ चन्द स्वास्थ्य विज्ञान
• #सभामुख