राजदूत नियुक्ति सिफारिस गर्न मन्त्रिपरिषद्को बैठक बस्दै

Cabinate-meeting-held

काठमाडौं / राजदूत नियुक्ति सिफारिस गर्नका लागि आज मन्त्रिपरिषद्को बैठक बस्दैछ। बिहीबार नियमित बस्नुपर्ने  बैठक स्थगित गरेर आजका लागि बोलाइएको हो।

प्रधानमन्त्री तथा मन्त्रिपरिषदको कार्यालयमा अपरान्ह चार बजेका लागि बैठक बोलाइएको कृषिमन्त्री ज्वालाकुमारी साहले जानकारी दिइन्।

Advertisement:Cabinate-meeting-held

आजको बैठकमा विभिन्न ११ देशका राजदूत नियुक्तिको सिफारिस गर्ने तयारी सरकारको छ। हिजो बसेको सत्तारुढ प्रमुख तीन दलको बैठकले राजदूतको भागबन्डा टुंगो लगाएका छन्।

बिहीबार साँझ सिंहदरबारमा बसेको प्रधानमन्त्री पुष्पकमल दाहाल प्रचण्ड, एमाले अध्यक्ष केपी ओली र गृहमन्त्री रवि लामिछानेबीचको छलफलले हाल खाली रहेको ११ देशको राजदूतमा भागबन्डा टुंग्याएको हो।

गत जेठ २४ मा मन्त्रिपरिषद बैठकले भारत, अमेरिका, बेलायत, साउदी अरेबिया, दक्षिण कोरिया, मलेसिया, स्पेन, डेनमार्क, इजरायल, कतार र पोर्चुगल गरी ११ देशको राजदूत फिर्ता बोलाएको थियो।

बिहीबार साँझ २ घण्टासम्म भएको तीन नेताबीचको छलफलमा एमालेले आठ देशको राजदूत पाउने समझदारी भएको छ। त्यस्तै राष्ट्रिय स्वतन्त्र पार्टीले दुई र माओवादी केन्द्रले एक देशको राजदूत पाउने शीर्ष सहमती भएको छ।

तीन नेताबीचको बैठकमा सहमतिबाट बजेट पास गर्ने, शीर्ष नेताबीच उत्पन्न भएका असमझदारी छलफल गरेर टुंग्याउने, गठबन्धन अझै कसिलो बनाउँदै जानेबारे छलफल भएको थियो।

प्रतिक्रिया दिनुहोस् :

itlization-information-technology-seo-mobile-application