काठमाडौं / आईसीसी विश्वकप टी-२० क्रिकेटमा अष्ट्रेलियाले ओमानलाई १ सय ६५ रनको लक्ष्य दिएको छ ।

वार्बाडोसस्थित किंग्सटेन ओभलमा टस हारेर ब्याटिङ गरेको अष्ट्रेलियाले निर्धारित २० ओभरमा ५ विकेट गुमाएर १ सय ६४ रन बनायो । अष्ट्रेलियाका लागि ओपनर डेभिड वार्नरले ५६ तथा मार्कस स्टोनिसले ६६ रन बनाए ।

Advertisement:

वार्नरले ५१ बल खेल्दै चार चौका र १ छक्काको मद्दतमा ५६ रन बनाएर आउट भए । त्यस्तै मार्कस स्टोनिसले ३५ बलमा २ चौका र ६ छक्काको मद्दतमा ६६ रनमा नटआउट रहे ।

मिचेल मार्सले १४ रन जोडे । यस्तै ट्रेभिस हेडले १२ रन बनाउँदा टिम डेभिड १० रनमा अविजित रहे । आज पनी ग्लेन म्याक्सवेल शून्य रनमा पेभिलियन फर्किए।

ओमानका लागि मेहरन खानले २ तथा विलाल खान र कालिमुल्लाहले १/१ विकेट लिए ।

ओमानको यो दोस्रो खेल हो भने अष्ट्रेलियाले यो विश्वकपमा पहिलो खेल हो ।

• #अष्ट्रेलिया
• #आईसीसी
• #ओमान
• #क्रिकेट
• #टी-२०
• #विश्वकप