English

भोलिदेखि आर्थिक वर्ष २०८१/०८२ को बजेट उपर छलफल शुरु

तातो खबर तातो खबर
२०८१ जेष्ठ १९

काठमाडौँ / भोलिदेखि आर्थिक वर्ष २०८१/०८२ को बजेट उपर छलफल शुरु हुने भएको छ ।

बिहान ११ बजे शुरु हुने प्रतिनिधिसभाको बैठक र दिउँसो सवा १ बजे बस्ने राष्ट्रियसभाको बैठकमा अर्थमन्त्री वर्षमान पुनले आगामी वर्षको राजस्व र व्ययको वार्षिक अनुमानमाथि सामान्य छलफल गरियोस् भन्ने प्रस्ताव प्रस्तुत गर्ने कार्यसूची रहेको छ ।

Advertisement:

राजस्व र व्ययको वार्षिक अनुमानमाथिको सामान्य छलफलपछि वार्षिक अनुमानमाथि सामान्य छलफल प्रारम्भ हुनेछ । यही जेठ १५ गते संघीय संसद्को संयुक्त बैठकमा प्रस्तुत  बजेटमाथिको छलफलपछि अर्थमन्त्री पुनले जवाफ दिने र पारित गर्ने तयारी गरिएको छ ।

भोलिको राष्ट्रियसभाको बैठकमा उद्योग, वाणिज्य तथा आपूर्तिमन्त्री दामोदर भण्डारीले’लगानी सहजीकरण सम्बन्धी केही नेपाल ऐनलाई संशोधन गर्ने अध्यादेश, २०८१ स्वीकृत गरियोस्’ भन्ने प्रस्ताव प्रस्तुत गर्ने कार्यसूची पनि रहेको छ ।

यस्तै सञ्चार तथा सूचना प्रविधिमन्त्री रेखा शर्माले ’मिडिया काउन्सिल विधेयक, २०८० माथि विचार गरियोस्’ भन्ने प्रस्ताव प्रस्तुत गर्नेछन् भने विधायन व्यवस्थापन समितिका सभापति जयन्ती देवी राईले ’सुरक्षित कारोबार (पहिलो संशोधन) विधेयक, २०८०’ सम्बन्धी विधायन व्यवस्थापन समितिको प्रतिवेदन सभासमक्ष पेस गर्ने कार्यसूची तय गरिएको संघीय संसद्का महासचिव पद्मप्रसाद पाण्डेयले जारी गरेको सम्भावित कार्यसूचीमा उल्लेख छ ।

प्रतिक्रिया दिनुहोस् :

तातोखबर

धेरै हेरिएको

सम्बन्धित समाचार

prabhu_shah_aam_janata_party_hundi_karobar

प्रधानमन्त्रीको एनसेलसँग कस्तो कनेक्शन छ हामी जान्न चाहन्छौँ : प्रभु शाह
Ramhari_Khatiwada_samsad

पृथ्वीसुब्बा गुरुङको ‘जिब्रो थुत्ने’ अभिव्यक्तिप्रति सत्तापक्षकै सांसदको आपत्ति
prakash-saran-mahat

नयाँ सरकार बनेसँगै मुलुकमा आर्थिक गतिविधि बढ्ने सम्भावना छ : डा.महत
rabi lamichhane parliament

फाइलहरु पनि आफैँले खोलेको र भ्रष्टाचार पनि आफैँले गरेको हो : रवि लामिछाने