नेपाली क्रिकेट टोलीले आज क्यानडासँग पहिलो वार्मअप खेल खेल्दै
तातो खबर
काठमाडौं / आईसीसी टी-२० विश्वकप खेल्न अमेरिका पुगेको नेपाली क्रिकेट टोलीले आज क्यानडासँग पहिलो वार्मअप खेल खेल्दैछ। नेपाल र क्यानडाबीचको खेल आज राति सवा नौं बजे अमेरिकाको डलासमा सुरु हुनेछ।
दुवै टोली वार्मअपमा जित निकालेर विश्वकपअघि राम्रो लयमा देखिन चाहन्छन्। क्यानडासँग खेल्नुअघि नेपालले अमेरिकाको स्थानीय क्लब ह्युस्टन हरिकेन्ससँग दुई अभ्यास म्याच खेलेको थियो।
नेपालले उक्त अभ्यास खेलमा दुवै खेल जितेको थियो।। हालसम्म नेपाल र क्यानडाले एक टी–२० आईमा एकअर्काको सामना गरेका छन्। जसमा नेपाल विजयी भएको छ।
यी दुई टिमले पहिलोपटक २१ फेब्रुअरी २०२२ मा टी–२० आई खेलेका थिए, जसमा नेपाल ८ विकेटले विजयी भएको थियो। नेपालका लागि सन्दीप लामिछानेले ४ ओभरमा ३ विकेट लिएर जम्मा १२ रनमात्र दिएका थिए। यद्यपि बलात्कार मुद्दा खेपेर सन्दीप अहिले टीममा छैनन्। उनले उच्च अदालत पाटनबाट सफाइ पाएपनि अमेरिकाले भिसा नदिँदा नेपालमै रोकिएका छन्।
आजको खेलमा नेपाली स्टार अलराउन्डर दीपेन्द्र सिंह ऐरीले खेल्ने सम्भावना न्यून छ। उनी अहिले खुट्टाको एंकलका चोटका कारण आराम गरिहरहेका छन्। ऐरीले क्यानडाविरुद्धको वार्मअप म्याच खेल्ने सम्भावनाबारे न्यून रहेको कप्तान रोहितकुमार पौडेलले बताएका छन्।
प्रतिक्रिया दिनुहोस् :
तातोखबर
धेरै हेरिएको
-
आत्महत्या गरेका देवकोटालाई नेपाल इन्भेष्टमेन्ट मेगा बैंकमा उपस्थित हुन ३५ दिने सुचना
-
बैंकका अपरेशन इन्चार्जमाथि प्रभु बैंक गण्डकी प्रदेश अधिकृतको हातपात
-
चन्द्रागिरि हिल्स : धर्मको नाममा लुट्ने मेसो, भालेश्वर मन्दिर दर्शन गर्न कम्तिमा १०० तिर्नुपर्ने
-
तत्कालिन सेञ्चुरी बैंक ऋण दुरुपयोग, प्रभु उच्च व्यवस्थापनको छुट्टै खेल
