गोरखाको वीरेन्द्र हिमताल फुट्यो, तटीय क्षेत्रका बासिन्दालाई सचेत रहन अनुरोध
![Birendra-ice-lake-gorakha-tatokhabar-tourist-nepali-news](https://www.tatokhabar.com/wp-content/uploads/2024/04/Birendra-ice-lake-gorakha.jpg)
तातोखबर, गोरखा / गोरखाको चुमनुब्री गाउँपालिका-१ मा रहेको वीरेन्द्र हिमताल फुटेको छ।
मनास्लु हिमालको बेसक्याममा हिमपहिरो गएर वीरेन्द्र तालमा मिसिँदा ताल फुटेर सामागाउँ प्रहरी चौकीका असई अन्जान पोखरेलले जानकारी दिएका छन् ।
हिमताल फुटेपछि त्यहाँको स्थानीय खहरेमा ठूलो बाढी आएको छ। बाढीका कारण एउटा काठको पुल बगाएको र कुनै मानवीय क्षति भने नभएको पोखरेलले बताए ।
ताल रहेको क्षेत्र चुमनुब्री-१मा पर्दछ। प्रहरी टोली घटनास्थल तर्फ गएको उनले बताए ।
त्यो बाढी बुढीगण्डकीमा मिसिने भएकोले तटीय क्षेत्रमा रहेका बासिन्दालाई सचेत हुन प्रहरीले अनुरोध गरेको छ।
![](https://www.tatokhabar.com/wp-content/uploads/2023/10/daju-bhai-ad-1.gif)