एमालेको महाधिवेशन प्रतिनिधि परिषद् बैठक आजबाट शुरु
तातो खबर
तातोखबर, काठमाडौं / नेकपा एमालेको राष्ट्रिय महाधिवेशन प्रतिनिधि परिषद्को बैठक आज (शनिबार)बाट शुरु हुँदैछ । ललितपुरको गोदावरीस्थित सनराइज सभाहलमा आइतबारसम्म चल्ने बैठकमा दुई हजार ७३ महाधिवेशन परिषद् सदस्यसहित दुई हजार ४५४ जनाको सहभागीता रहनेछ ।
बैठकमा पार्टी अध्यक्ष केपी शर्मा ओलीले राजनीतिक र महासचिव शंकर पोखरेलले सांगठनिक प्रतिवेदन प्रस्तुत गर्ने एमाले प्रचार विभाग प्रमुख राजेन्द्र गौतमले जानकारी दिएका छन् । उनका अनुसार केन्द्रीय अनुशासन आयोग, केन्द्रीय लेखा आयोग, केन्द्रीय निर्वाचन आयोग र केन्द्रीय सल्लाहकार परिषद्ले पनि प्रतिवेदन प्रस्तुत गर्ने छन् ।
मिसन ग्रासरुट, झुलाघाट चिवाभञ्याङ संकल्प यात्राको समीक्षा गर्दै त्यसका आधारमा पार्टीको आगामी कार्यदिशाबारे छलफल गर्ने बताइएको छ। परिषद् बैठकमा यसअघि गरिएको पार्टीका केन्द्रीय सदस्यहरूको कार्यविभाजनको पनि समीक्षा गरिनेछ ।
एमाललेले नेपाल कम्युनिष्ट पार्टी स्थापनाको ७५ वर्ष पूरा भएको अवसरमा पार्टीले हीरक महोत्सव मनाउने भएको छ । वैशाख १० गते सभाहलमा नै एक विशेष समारोहको आयोजना गर्ने प्रचार विभाग प्रमुख गौतमले जानकारी दिए ।
महोत्सवमा प्रधानमन्त्री पुष्पकमल दाहाल र नेपाली कांग्रेसका सभापति शेरबहादुर देउवालगायत राजनीतिक दलका प्रमुख नेता सहभागी हुनेछन् ।
प्रतिक्रिया दिनुहोस् :
तातोखबर
-
१.
छानबिन समितिको कार्यादेश टुंगो लगाउन आज पनि बैठक बस्दै
-
२.
संघीय संसदका दुवै सदनको बैठक बस्दै, कांग्रेसले बैठक चल्न नदिने
-
३.
आइपीएल : फाइनल प्रवेशका लागि आज कोलकाता र हैदराबाद भिड्दै
-
४.
बहुमतको दम्भमा आजै विश्वासको मत लिनु नौलो र दुःखदायी घटना : काँग्रेस
-
५.
राष्ट्रियसभा राजनीतिक समस्या समाधान गर्ने थलोका रूपमा स्थापित हुनुपर्ने : दाहाल
धेरै हेरिएको
