सनराइजर्स हैदराबादले आफ्नै रेकर्ड तोड्दै बनायो २ सय ८७ रन
![travis-head-SRH-highest-record-in-ipl-history](https://www.tatokhabar.com/wp-content/uploads/2024/04/travis-head-SRH-highest-record-in-ipl-history.jpg)
तातोखबर / इण्डियन प्रियिमर लिग (आईपीएल) मा सनराइजर्स हैदराबादले रोयल च्यालेन्जर्स बैंगलुरुको घरेलु मैदानमा अहिलेसम्मकै सबैभन्दा उच्च स्कोर बनाउन सफल भएको छ ।
टस हारेर पहिले ब्याटिङ गरेको हैदराबादले निर्धारित २० ओभरमा ३ विकेटको क्षतिमा २ सय ८७ रन बनाएर उक्त रेकर्ड बनाएको हो ।
हैदराबादले यसअघि गत २७ मार्चमा मुम्बई इन्डियन्सविरुद्धको आफ्नै २ सय ७७ रनको कीर्तिमान तोडेको हो।
हैदराबादको उच्च स्कोरका लागि ट्रभिस हेडले विस्फोटक ब्याटिङ गर्दै ४१ बलमा १०२ रन जोडेर आउट भए । हेनरिक क्लासेनले ३१ बल खेलेर ६७ रनको योगदान गरे भने एडेन माकरमले १७ बलमा ३२ रन र अब्दुल समाद समदले १० बल खेलेर ३७ रन बनाउँदा सबैभन्दा उच्च स्कोरको रेकर्ड बनेको हो ।
![](https://www.tatokhabar.com/wp-content/uploads/2023/10/daju-bhai-ad-1.gif)