दीपेन्द्रको विस्फोटक ब्याटिङ, अन्तिम ओभरमा ६ छक्का
काठमाडौँ । एसीसी प्रिमियर कपअन्तरगत दोस्रो खेलमा नेपालले कतारविरुद्धका २ सय ११ रनको लक्ष्य प्रस्तुत गरेको छ । टस जितेर पहिले ब्याटिङ गरेको नेपालले निर्धारित २० ओभरमा ७ विकेटको क्षतिमा २ सय १० रन बनाएको हो ।
दीपेन्द्र सिंह ऐरीले विस्फोटक ब्याटिङको नमुना प्रस्तुत गर्दै २१ बलमा ६४ रनको शानदारी इनिङ्स खेले । उनले अन्तिम ओभरमा कमरान खानको बलिङमा ६ बलमा ६ छक्का हिर्काएका थिए । उनी यो उपलब्धि हासिल गर्ने सीमित खेलाडीहरुको सूचीमा परेका छन् । उनले आफ्नो इनिङ्समा कूल ३ चौका र सात छक्का हिर्काए ।
नेपालका लागि ओपनर आसिफ शेखले ५२ रनको योगदान दिए । उनले ४१ बलमा ६ चौका हिर्काए । कुशल मल्लले विस्फोटक ब्याटिङ गर्दै १८ बलमा ३५ रन बनाए । उनले दुई चौका र ३ छक्का हिर्काए ।
त्यस्तै, कप्तान रोहित पौडेलले १८ तथा कुशल भुर्तेलले १२ रनको योगदान दिए । कतारका लागि हिमान्सु राथोड र मुसावर शाहले ३–३ विकेट लिए ।
यसअघि शुक्रबार खेलिएको आफ्नो पहिलो खेलमा नेपालले मलेसियालाई पाँच विकेटले हराएको थियो । नेपाल प्रतियोगिताको साविक विजेता पनि हो ।
प्रतिक्रिया दिनुहोस् :
तातोखबर
-
१.
सूचना प्रविधिमा लगानी गर्न प्रविधिमन्त्री रेखा शर्माको आह्वान
-
२.
इलाम पछिल्लो अपडेट : सुहाङले कटाए १६ हजार मत
-
३.
लुम्बिनी प्रदेशले जित्यो वीर गणेशमान सिंह राष्ट्रिय क्रिकेटको उपाधि
-
४.
बझाङ उपनिर्वाचन: एकीकृत समाजवादीसहित अन्य ८ उम्मेदवारको धरौटी जफत
-
५.
इलाम उपनिर्वाचन : एमालेका सुहाङले बनाए झण्डै ५ हजार मतको अग्रता