थाहाको पर्यटकीय विकासका लागि पैदलयात्रा



Global IME Bank - Meri Uni Lai

थाहा – पर्यटकीय सम्भावना बोकेको थाहा नगरपालिकाको अवलोकन भ्रमणका लागि आन्तरिक पर्यटकहरुको आगमन बढेको छ ।
स्थानीय युवाहरुको सक्रियतामा पैदलयात्राको रुट तयार गरेर प्रचारप्रसार गरेपछि उक्त रुटमा पैदल यात्रा गर्नेहरुको आकर्षण पनि बढेको छ ।
केही समय अगाडिको पालुङ–आग्रा पदयात्रामा करिव ७ सय बढीले यात्रा गरिसकेकाछन् ।
यसैक्रममा माघ २७ गते शनिबारमात्रै थाहा नगरका युवा फोटो पत्रकार गणेश बिष्ट र स्थानीय शिक्षक निराजन गोपालीको सक्रियतामा थाहा नगरको आकर्षणको रुपमा रहेको प्राचिन कुन्छाल गाउँलाई केन्द्र बनाई तय गरेको नयाँ पदमार्गमा काठमाण्डौका ह्याप्पी हाईकर्स र स्थानीयहरु सहित ३२ जनाले यात्रा गरे ।
थाहा नगरका युवा फोटो पत्रकार गणेश बिष्ट यो पदमार्ग पर्यटकहरुका लागि फरक अनुभूति बटुल्ने यात्रा बन्न सक्ने बताउछन्  । बिष्टले भने–“ऐतिहासिक गाउँको अवलोकन, धार्मिक सम्पदाको दर्शन, कृषकहरुसँगको सामिप्यता, पौराणिक तथा मैलिक बस्ती र जीवनशैलीको अवलोकन, प्राचिन गाउँको भ्रमण तथा प्रकृतिलाई नजिकबाट अनुभुति गर्नको लागि यो पदमार्ग निकै उपयुक्त छ ।”
करिब ३०० वर्ष पुरानो कुन्छाल नेपालको एक ऐतिहासिक, प्राचिन गाउँ हो । कुन्छालको स्थानीय नाम भने कुंछा हो । कुन्छाल गाउँमा भने केवल ग्वाला समुदाय अर्थात गोपाली भन्न रुचाउने गोपालवंशीहरुको मात्र बसाई रहेको छ ।
गोपालीगाउँ कै नामबाट समेत परिचित रहेको यस बस्तीलाई हेर्दा नेपालको प्राचिन इतिहासका यथेष्ट आधारहरु देख्न सकिने ह्याप्पी हाईकर्सका राजाराम फुयाँलले बताए ।
उहाँका अनुसार ऐतिहासिक, प्राचिन तथा साँस्कृतिक महत्व बोकेको यो वस्तीलाई पर्यटकीय गन्तव्यको रुपमा विकास गर्न सकिने ठुलो सम्भावना रहेकोछ ।
परम्परागत रुपमा बस्तीको विकास गरेर एउटा जीवित संग्रहालयको रुपमा विकास गर्दै यहाँको ऐतिहासिक स्वरुपलाई निरन्तरता दिने हो भने पर्यटक आकर्षणको केन्द्र बन्नसक्ने फँुयालले बताउनुभयो ।
कसरी गर्न सकिन्छ पदयात्रा ?
थाहा नगरपालिकाको वडा नं. १ र ६ मा पर्ने टिष्टुङ–कुन्छाल पदमार्गमा यात्रा गर्नको लागि राजधानी काठमाण्डौबाट गणेशमानसिंह मार्ग चन्द्रागिरी–चितलाङ हुँदै करिव १ घण्टामा पुग्न सकिन्छ । त्यस्तै बागमती प्रदेशको राजधानी हेटौंडाबाट त्रिभुवन राजपथ हँुदै करिव ३ घण्टामा पुग्न सकिन्छ ।
टिष्टुङ–कुन्छाल पदमार्गमा यात्रा गर्न कुन्छाल गाउँबाटै वा नजिकैको सरस्वती बजारबाट शुरु गर्न सकिन्छ । बज्रवाराहीको सरस्वती बजारबाट वाराहीचौर हुँदै नासपाति बगैँचा भ्रमण, कुन्छाल गाउँ अवलोकन र गणेश मन्दिर दर्शन पश्चात् टिष्टुङको बनस्पति उद्यानमा पुग्न सकिन्छ । उद्यानबाट विश्रामसहित ग्रामिण क्षेत्रको जीवनशैली र प्रकृतिको मनोरमताको अवलोकन गर्न सकिन्छ ।
वनस्पती उद्यानबाट कार्कीछाप गाउँको दैनिकी किसानको जीवनशैली, गोठालाको अनुभव, प्राकृतिक मनोरम, खेतीपातीको अवलोकन गर्दै गौखुरेश्वर महादेवको दर्शन यहि रुटमा गर्न सकिन्छ ।
ढल्टगाउँको अवलोकन गरेपछि अध्याय रिसोर्ट हँुदै उन्मत्तेश्वर महादेवको मन्दिर दर्शन गरी कोत दरबारको अवलोकन पश्चात थाहानगरकै प्रमुख शक्तिपिठको रुपमा रहेको वाराही मन्दिर र संगैको चौरबाट पैदल जंगल सफारीसंगै पैदलमार्गमा प्रकृति र पाहुनाको लुकामारी गर्न सकिन्छ ।
वाराही मन्दिरबाट उकालो लागेर पुगिने वाराही डाँडामा पुग्दा यात्राका सबै थकान मेटिएको अनुभव हुन्छ । निकै मनोरञ्जनात्मक र साहसी पैदल यात्री जस्तै अनुभव गर्न सकिने यस मार्गको दुरी करिब १६ किलोमिटर रहेको छ ।
वाराही डाँडाबाट पुनः जंगल सफारीसंगै नन्दिकेश्वर महादेव दर्शन गरेर यो पदयात्राको बिट मारिन्छ ।
स्थानीयहरुको आत्मिय ब्यवहार र स्वागत सहितको पैदलयात्रासंगै केहीदिनको भ्रमणका लागि बस्नको लागि पनि थाहानगरको बज्रबाराहीमा हेटलहरुको राम्रो ब्यवस्था भएको र कुन्छालमै रहेका होमस्टेमा पनि बस्न सकिनेछ ।

(तस्विरहरु ; गणेश बिष्ट)



प्रतिक्रिया दिनुहोस !
ताजा
सम्बन्धित खबरहरु

तातोखबर, काठमाडौं / आगामी आर्थिक वर्षको बजेटका सिद्धान्त र प्राथमिकतामाथि आज (बिहीबार)देखि राष्ट्रिय सभामा छलफल हुँदैछ। बिहान ११ बजे सुरुहुने

तातोखबर, भरतपुर / भरतपुर महानगरपालिकाले निर्माण हुँदाहुँदै रोकिएको गौतमबुद्ध अन्तर्राष्ट्रिय क्रिकेट रंगशाला निर्माणका लागि टेण्डर आह्वान गरेको छ। महानगरपालिकाले रंगशालाको

बेलायतं, २९ फ्रेबुअरी / बेलायतका एक मनोरोग विशेषज्ञले मानिसको मन नै रोगी भयो भने संसार अस्वस्थ हुने दावी गरेका छन्