NTC App - Ad

प्रकाश दाहाल स्मृति भलिबलको उपाधि हेटौंडा उपमहानगरपालिकालाई

Hetauda Vollyball Player

तातोखबर, हेटौंडा / मकवानपुरको हेटौंडा उपमहानगरपालिकाले प्रथम संस्करणको प्रकाश दाहाल स्मृति बागमती प्रदेशस्तरीय अन्तरपालिका भलिबल प्रतियोगिताको उपाधि जित्न सफल भएको छ।

बुधबारको फाइनल खेलमा हेटौंडाले मकवानपुरको थाहा नगरपालिकालाई २१–२५, १७–२५, २५–१६, २५–१५ र १५–४ ले पराजित गरेको थियो ।

Advertisement:Hetauda Vollyball Player

सुरुवाती २ सेट लगातार गुमाएर पनि उत्कृष्ट पुनरागमन गर्दै हेटौंडाले थाहालाई पाखा लगाउन सफल भयो ।

विजेता टोली हेटौंडाले ३ लाख तथा उपविजेता टोली थाहाले २ लाख पुरस्कार पाएका छन् ।

सेमिफाइनलमा पराजित ललितपुरको महांकाल गाउँपालिका र सिन्धुलीको घ्याङलेख गाउँपालिका संयुक्त रूपमा तेस्रो भए भने दुवै टोलीले एक-एक लाख रुपैयाँ पुरस्कार पाए।

प्रतियोगितामा थाहा नगरपालिकाका विष्णु क्षेत्री उत्कृष्ट खेलाडी घोषित भए।

उपाधि विजेता हेटौंडाका सुजन चोखालले उत्कृष्ट सेटर, हेटौंडाका राजन दर्लामी मगर उत्कृष्ट लिबरो र महांकाल गाउँपालिकाका जीवन सुनार उत्कृष्ट ब्लकर घोषित भए।

यसैगरी उपाधि विजेता हेटौंडाका पुष्प मैनाली उत्कृष्ट प्रशिक्षक घोषित भए । उत्कृष्ट भएका सबैले ५०-५० हजार रुपैयाँ पुरस्कार पाए।

प्रधानमन्त्री पुष्पकमल दाहाल ‘प्रचण्ड’का छोरी ज्ञानु र छोरा प्रकाश को स्मृतिमा स्थापित प्रज्ञा स्मृति प्रतिष्ठानको आयोजनामा भएको प्रतियोगिता महांकाल गाउँपालिकाका गोटीखेल र मानिखेलका कोर्टमा सञ्चालन भएको थियो ।

प्रतियोगितामा राष्ट्रिय खेलकुद परिषद् र प्रदेश खेलकुद विकास परिषद्, बागमती प्रदेशको सहयोग थियो। यसैगरी नेपाल भलिबल संघको प्राविधिक सहयोग थियो । ललितपुर जिल्ला खेलकुद विकास समिति सह-आयोजक रहेको थियो।

प्रतियोगितामा १६ वटा टिमको सहभागिता रहेको थियो। प्रतियोगिता लिग कम नकआउटको आधारमा भएको थियो ।

Daju Bhai Sweets - Hetauda

प्रतिक्रिया दिनुहोस् :