तातोखबर, काठमाडौँ : कोरियन भाषा परीक्षा (इपीएस) को लागि यसपटक अहिलेसम्मकै धेरै आवेदन परेको छ । आज शुक्रबार अहिलेसम्म एक लाख २५ हजारभन्दा धेरैले फारम भरेको वैदेशिक रोजगार विभागका इपिएस शाखा प्रमुखले बताएका छन् ।

पुस २ गतेदेखि इपिएसको लागि फारम खुला भएकामा आज शुक्रबार राति १२ बजेसम्म आवेदन दिन सकिने व्यवस्था छ । अनलाइन प्रणालीबाट फारम भर्ने सुविधा आएयताकै उच्च आवेदन परेको इपिएस शाखाले जनाएको छ । तीन वर्षयता अनलाइनमार्फत् इपिसको फारम भर्न सकिने सुविधा उपलब्ध भएकाले आवेदन बढ्दै गएको छ ।

Advertisement:

वैदेशिक रोजगार विभागले तोकिएको अवधिसम्म आवेदन दिनेको संख्या दुई लाखसम्म बढ्ने अनुमान गरेको छ । गत साउनमा परीक्षामा अनुत्तीर्ण भएकाले समेत यस पटक परीक्षा दिन पाउने भएका छन्, यसो हुँदा आवेदन संख्या थप बढ्ने भएको हो ।

• #इपीएस
• #कोरियन
• #परीक्षा
• #भाषा