तातोखबर, काठमाडौं :  नेपाली बजारमा सुनको मूल्य फेरि बढेर प्रतितोला एक लाख २० हजार ८०० पुगेको छ। आइतबार छापावाल सुन यसै मूल्‍यमा कारोबार भइरहेको नेपाल सुनचाँदी व्यवसायी महासंघले जनाएको छ।

यस्तै, तेजाबी सुन एक लाख २० हजार २०० रुपैयाँमा कारोबार भइरहेको छ। गत हप्ता शुक्रबार छापावाल सुन प्रतितोला एक लाख १९ हजार रुपैयाँ र तेजाबी सुन एक लाख १८ हजार ४५० रुपैयाँमा कारोबार भएको थियो।

Advertisement:

त्यस्तै, आइतबार चाँदीको मूल्य पनि तोलामा ५ रुपैयाँले बढेर १५४५ रुपैयाँमा कारोबार भइरहेको महासंघले जनाएको छ। पछिल्लो समय सुनको मूल्‍यमा निरन्तर जस्तो वृद्धि भइरहेको छ। आर्थिक मन्दीको प्रभावले सुनको मुल्य अझै बढ्न सक्ने अनुमान गर्न सकिन्छ । मानिसहरुले सुनमा लगानी बढाएकाले सुनको मुल्य अझै बढ्न सक्ने विश्लेषकहरु बताउँछन् ।

• #छापावाल सुन
• #बढ्ने
• #मूल्य
• #सुनचाँदी व्यवसायी संघ