मकवानपुर -चिकित्सक कुटपिट प्रकरणमा मकवानपुर प्रहरीले थप एक जनालाई पक्राउ गरेको छ । पक्राउ पर्नेमा हेटौंडा उपमहानगरपालिका वडा नम्वर १२ सिक्रेनी बस्ने ३६ वर्षीय जीवन लामा रहेका छन् ।

उनलाई शुक्रबार हेटौंडा उपमहानगरपालिका वडा नम्वर १५ स्थित रातोमाटेबाट पक्राउ गरेको जिल्ला प्रहरी कार्यालय मकवानपुरका प्रहरी नायव उपरीक्षक लक्ष्मी भण्डारीले जानकारी दिए ।

Advertisement:

डेंगू संक्रमणको कारण एक महिना अघि मृत्यु भएका हेटौंडा–१२ का ४१ वर्षीय राजेश प्रधानको उपचारमा लापरबाही भएको भन्दै उनका आफन्तसहितको केहि युवाको समूहले गत भदौ २७ गते हेटौंडा–१ स्थित सन्चो अस्पतालमा कार्यरत डाक्टर विकास थापा र प्रशान्त विडारीमाथि कुटपिट गरेका थिए ।

लामासँगै उक्त प्रकरणमा पक्राउ पर्नेको संख्या ६ पुगेको छ । यसअघि मृतक राजेशका श्रीमती रमा प्रधान, छोरी रमिता प्रधान, छोरा रोहित प्रधान, भतिज अमित प्रधान र हेटौंडा१२ सिक्रेनी बस्ने ४० वर्षीय सुनिल पाख्रिनलाई पक्राउ गरेको थियो । पक्राउ परेका उनीहरुमाथि प्रहरीले आवश्यक अनुसन्धान गरिरहेको जनाइएको छ ।

• #चिकित्सक कुटपिट
• #सन्चो हस्पिटल
• #हेटौंडा