काठमाडौं, २१ भदौ/चालु आर्थिक वर्षका लागि नेपाल नागरिक उड्डयान प्राधिकरणले आफ्नो बजेट सार्वजनिक गरेको छ । प्राधिकरणले आर्थिक वर्ष २०८०/८१ का लागि साढे ३६ अर्ब ६६ करोड ६४ लाख रुपैयाको बजेट सार्वजनिक गरेको हो ।

प्राधिकरणलाई प्राप्त हुन सक्ने श्रोतका आधारमा उक्त परिमाणको अनुमानित बजेट निर्माण गरिएको जनाईएको छ । यस आर्थिक वर्षका लागि ३६ अर्ब ६६ करोड ६४ लाख रुपैया बराबरको स्रोत प्राप्त हुने र ३६ अर्ब ६६ करोड २ लाख रुपैयाँ खर्च हुने प्राधिकरणको अनुमान छ । यसबाट प्राधिकरणको ६२ लाख रुपैयाँ खुद बचत हुने समेत अनुमान गरिएको छ ।

Advertisement:

बजेटमा अघिल्लो आर्थिक वर्षको पेश्की मौज्दात र बैंक मौज्दातलाई समेत प्राधिकरणको यस आर्थिक वर्षको स्रोतका रुपमा उल्लेख गरिएको छ भने प्राधिकरणले चालु आर्थिक वर्षमा १५ अर्ब ८८ करोड २५ लाख रुपैयाँ आम्दानी गर्ने बताएको छ । त्यस्तै ऋण, सेयर लगानीका रुपमा ६ अर्ब ६४ करोड रुपैयाँ प्राप्त हुने अनुमान गरेको छ ।

१९ अर्ब ३ करोड ८८ लाख रुपैयाँ पूँजीगत खर्च गर्ने लक्ष्य राखेको नेपाल नागरिक उड्डयन प्राधिकरणले कर्मचारी खर्चमा २ अर्ब ११ करोड ७१ लाख रुपैयाँ छुट्याएको छ भने कार्यालय सञ्चालन खर्च ४ अर्ब ३४ करोड रुपैयाँ हुने अनुमान गरिएको छ । त्यस्तै कर्मचारीको बोनसमा प्राधिकरणको ५ करोड ८९ रुपैयाँ विनियोजन गरिएको छ ।

• #उड्डयन प्राधिकरण
• #चालु आर्थिक वर्ष
• #बजेट