काठमाडौं । आइसीसी विश्वकप क्रिकेट लिग २ अन्तरगत टियू क्रिकेट ग्राउण्डमा आज जारी नेपाल र स्कटल्याण्डबीचको खेलमा नेपाली स्पिनरहरु चम्केका छन् । सन्दीप लामिछानेले व्यक्तिगत तेस्रो विकेट लिएपछि स्कटल्याण्ड थप दवावमा परेको थियो ।सन्दीपले ब्रान्डन म्याकमुलनलाई कुशल मल्लको हातबाट क्याच गराएपछि स्कटल्यान्डले ११३ रनमै ६ विकेट गुमाएको थियो ।
स्पिनरलाई सहयोग गरिरहेको पीचमा स्कटिस ब्याट्सम्यान दबाबमा रहेका छन । पार्टटाइम बलर कुशल भुर्तेलले पनि एक विकेट लिएका छन् । कुशल मल्लले स्कटल्याण्डका दुई ओपनरहरुलाई आउट गरेसँगै खेलमा नेपालले पकड बनाएको थियो । खेलको ७ औं विकेट दिपेन्द्रसिंह ऐरिले लिएका छन भने सोमपाल कामि, करण केसी, कुशल मल्लले एक एक मेडन ओभर गराउन सफल भएका छन् । पहिले ब्याटिङ्ग गरेको स्कटल्याण्डको तर्फबाट मिचेल लेस्कले सर्वाधिक १०७ रन नटआउट बनाउन सफल भए भने अन्य खेलाडिले ३० रन कटाउन सकेनन् । अब नेपाली खेलाडि स्कटल्याण्डले दिएको २७४ रनको लक्ष पछ्याउँदै ब्याटिङ्ग गर्ने छन् ।
