तातोखबर, काठमाडौं / सूर्यदर्शन सहकारीको घोटाला प्रकरणमा प्रहरीले पूर्व डीआईजी छविलाल जोशीको घरमा छापा मारेको छ।

बुधवार साँझ शंखमुलस्थित जोशीको घरमा प्रहरीको टोलीले सहकारी ठगी प्रकरणको अनुसन्धानका लागि प्रमाण संकलन गर्न छापा मारेको हो । त्यस घरमा नेचर हब इन्टर नेसनल प्रालीको अफिस  रहेको थियो।

Advertisement:

फरार रहेका ग्यालेक्सी टेलिभिजन तथा सूर्यदर्शन सहकारीका सञ्चालक गितेन्द्रबाबु राईका व्यावसायिक साझेदार जोशी रहेका छन्।

जोशीको उक्त घरबाट सूर्यदर्शन सहकारीको सर्भर बरामद भएको प्रहरीले जनाएको छ। यता पूर्व डीआईजी जोशीले बुधवार राती नै सामाजिक सञ्जालमार्फत उक्त घर आफ्नो निजी नभएको र व्यावसायिक सम्पत्ति रहेको दाबी गरेका छन्।

• #छविलाल जोशी
• #पूर्व डीआईजी
• #बरामद
• #सर्भर
• #सूर्यदर्शन सहकारी