तातोखबर, काठमाडौं / सहकारी ठगी प्रकरण छानबिनका लागि बन्ने संसदीय समितिको टिओआर (कार्यादेश)का सन्दर्भमा दलहरूबीच सहमति जुट्न सकेको छैन । आज बिहानैदेखि कार्यदल छलफलमा जुटेको भए पनि उपप्रधान एवं गृहमन्त्री रवि लामिछानेको नाम कार्यादेशमा उल्लेख गर्ने/नगर्नेबारे सत्तारूढ र प्रतिपक्षी दलहरू सहमतिमा पुग्न नसकेका हुन् ।

कार्यादेशमा सहमति नजुटेकै कारण संसद् बन्धक बनेको छ। आजका लागि बोलाइएको राष्ट्रियसभा बैठक भोलिसम्मका लागि स्थगित भएको छ । त्यस्तै, दिउँसो २ बजेका लागि बोलाइएको प्रतिनिधिसभा बैठक पनि अनिश्चित बनेको छ ।

Advertisement:

दिउँसो १ः१५ का लागि बोलाइएको राष्ट्रियसभा यसअघि बैठक ३ः १५ का लागि सरेको थियो । तर दलहरू बीचको विमतिकै कारण राष्ट्रियसभा बैठक समेत बस्न नसकेर स्थगित भएको हो । राष्ट्रियसभाको अर्काे बैठक भाेलि दिउँसाे १:१५ मा बाेलाइएकाे छ भने बिहान ११ बजेका लागि बाेलाइएकाे प्रतिनिधिसभा पनि दिउँसाे २ बजेलाई सारिएकाेमा अझै सुरु हुन सकेको छैन । प्रमुख प्रतिपक्षी कांग्रेसले लामिछानेविरुद्ध सहकारी प्रकरणमा छानबिन हुनुपर्ने माग राख्दै प्रतिनिधिसभासँगै राष्ट्रियसभामा समेत अवरोध गर्दै आएको छ ।

• #कार्यादेश
• #गृहमन्त्री रवि लामिछाने
• #टिओआर
• #राष्ट्रियसभा
• #संसदीय छानबिन समिति
• #सहकारी ठगी प्रकरण