काठमाडौं / सल्यानमा भएको मिनी ट्रक दुर्घटनामा अर्का एकजनाको मृत्यु भएको छ।

सल्यान कपुरकोटको सिनबाङमा सोमबार भएको मिनी ट्रक दुर्घटनाका घाइते चालक २६ वर्षीय मानबहादुर भण्डारीको पनि मृत्यु भएको हो । दाङको तुलसीपुरस्थित राप्ती प्रादेशिक अस्पतालमा मृत्यु भएको हो ।

Advertisement:

गम्भीर घाइते उनलाई कपुरकोट आधारभूत अस्पतालबाट तत्काल रेफर गरिएको थियो। यो सँगै मृतकको संख्या चार पुगेको छ। अन्य सातजना घाइतेछन् ।

सल्यानको कपुरकोट गाउँपालिका-६ सिनबाङको दुबेदेबाट धान र पराल लिएर सिनबाङ जाँदै गरेको मिनीट्रक सोमबार साँझ ६ बजेतिर दुर्घटना भएको थियो ।

दुर्घटनामा स्थानीय १४ वर्षका गोवर्धन खड्का, १२ वर्षीय अनिल भण्डारी, १५ वर्षकी सिर्जना बस्नेतको मृत्यु भएको थियो।

मिनीट्रक सडकबाट १५० मिटर तल खसेको थियो।

• #ट्रक दुर्घटना
• #मिनी ट्रक
• #सल्यान