काठमाडौं / चर्चित अन्त्य गर्ने प्रयासस्वरुप संस्कृति, पर्यटन तथा नागरिक उड्डयनमन्त्री बद्रीप्रसाद पाण्डेले पशुपति क्षेत्र विकास कोषको बैठक बोलाएका छन्। साथै उनले धर्मशाला सम्बन्धमा कुनै काम नगर्न कोषलाई निर्देशन पनि दिएका छन्।

पशुपति क्षेत्र विकास कोषका अध्यक्षसमेत रहेका मन्त्री पाण्डेले असोज ३० गते ‘शान्ति सुरक्षामा समस्या उत्पन्न भएको’ भन्दै कोषलाई गरेको पत्राचारमा पशुपति गौशाला धर्मशाला खाली गराउने काम रोक्न निर्देशन दिएका छन्। साथै उनले यही कात्तिक ४ गते परिषद् बैठक संस्कृति, पर्यटन तथा नागरिक उड्डयन मन्त्रालयमा आह्वान गरेका कोषका प्रवक्ता रेवतीरमण अधिकारीले बताए।

Advertisement:

कोषले आफ्नो पूर्ण स्वामित्वमा रहेको राज्यको सम्पत्ति धर्मशालालाई कुनै व्यक्ति वा व्यापारिक समूहलाई सञ्चालन गर्न नदिने बरु गैरनाफामूलक ढङ्गले काठमाडौँ महानगरपालिकासँगको सहकार्यमा सञ्चालन गर्ने घोषणा गरेपछि विवाद भएको हो।

यसअघि धर्मशाला सञ्चालन गर्ने आएको मारवाडी सेवा समिति कोषको उक्त निर्णयको  विरोधमा उत्रिएको छ।

• #धर्मशाला
• #पर्यटन तथा नागरिक उड्डयनमन्त्री
• #पशुपति क्षेत्र विकास कोष
• #पशुपति गौशाला धर्मशाला
• #बद्रीप्रसाद पाण्डे
• #मन्त्रालय
• #मारवाडी सेवा समिति
• #संस्कृति