काठमाडौँ / प्रभु बैंकका ग्राहकलाई त्रिपुरेश्वरस्थित ब्लु क्रस हस्पिटल प्रालिको सेवामा विशेष छुट प्रदान गर्ने सम्झौतामा हस्ताक्षर भएको छ।

मंगलबार ब्लु क्रस हस्पिटल प्रालिका तर्फबाट रजत श्रेष्ठ र प्रभु बैंकका तर्फबाट बाग्मती प्रदेश क्षेत्र नं १ का प्रमुख दिपेन्द्रबाबु बिष्टले समझदारी ज्ञापनपत्रमा हस्ताक्षर गरेका थिए।

Advertisement:

सम्झौतामा प्रभु बैंकका सम्पूर्ण ग्राहकहरु, कार्ड प्रयोगकर्ता, कर्मचारी तथा कर्मचारीका परिवारजनले ब्लु क्रस हस्पिटलमा उपचार सेवा लिँदा अन्तरंग तथा बहिरंग सेवा, ओपीडी टिकट, रेडियोलोजी, प्याथोलोजी, फार्मेसी, फिजियोथेरापी लगायतका सेवामा ५ देखि १२ प्रतिशतसम्म छुट पाउनेछन्।

छुट सुविधा प्राप्त गर्न ग्राहकले प्रभु बैंक लिमिटेडको मान्य डेबिट कार्ड, क्रेडिट कार्ड, प्रिभलेज कार्ड तथा क्यूआरबाट समेत भुक्तानी गर्न सक्ने बताइएको छ।

• #छुट
• #प्रभु बैंक
• #ब्लु क्रस हस्पिटल
• #विशेष छुट
• #सम्झौता
• #हस्पिटल