काठमाडौं / सुदूरपश्चिम प्रदेशका मुख्यमन्त्री कमलबहादुर शाहले बुधबार विश्वासको मत लिँदै छन्। मुख्यमन्त्रीले विश्वसको मत लिने प्रयोजनका लागि अपराह्न ३ बजे प्रदेशसभाको बैठक बोलाएको प्रदेश सभा सचिव वेदबहादुर बोगटीले जानकारी दिए।

नेकपा एमाले र नागरिक उन्मुक्ति पार्टीको समर्थनमा शाह साउन २० गते मुख्यमन्त्री नियुक्त भएका थिए।

Advertisement:

नियुक्त भएकोे ३० दिनभित्र प्रदेश सभाबाट विश्वासको मत लिनुपर्ने संवैधानिक व्यवस्था छ । ५३ सदस्यीय सुदूरपश्चिम प्रदेश सभामा विश्वासको मतका लागि २७ सांसदको समर्थन आवश्यक पर्छ।

अहिले प्रदेश सभामा कांग्रेसका १८, एमालेका ११  र नागरिक उन्मुक्ति पार्टीका सात सांसद छन् । विपक्षमा रहेका नेकपा माओवादी केन्द्रका ११, नेकपा एकीकृत समाजवादीका पाँच र राप्रपाका एक सांसद छन्।

• #नागरिक उन्मुक्ति पार्टी
• #नेकपा एमाले
• #प्रदेशसभा
• #मुख्यमन्त्री कमलबहादुर शाह
• #विश्वासको मत
• #सुदूरपश्चिम प्रदेश