काठमाडौं / काभा वुमन्स नेसन्स भलिबल लिगमा फाइनल प्रवेशका लागि आज साँझ सवा ५ नेपालले इरानसँग प्रतिस्पर्धा गर्दै छ।

सेमिफाइनलको पहिलो खेलमा भारत र श्रीलंका भिड्दैछन्। यी दुईको खेल दिउँसो ३ बजे त्रिपुरेश्वर स्थित कभर्ड हलमा हुनेछ। भारत तालिकाको शीर्ष स्थानमा रहँदै सेमिफाइन प्रवेश गरेको हो भने श्रीलंका तालिकाको पुछारमा स्थान बनायो। नेपाल र इरान तालिकाको दोस्रो र तेस्रो स्थानमा रहेर सेमिफाइलमा स्थान बनाए।

Advertisement:

नेपालले श्रीलंका र माल्दिभ्सलाई सोझो सेटमा हराएको थियो। भारतलाई महिला भलिबलमा पहिलो पटक हराएको नेपाली टोली भने इरानसँग ३-२ को सेटमा पराजित भएको थियो।

आज भने समूह चरणमा हारको बदला लिँदै फाइनलमा स्थान सुरक्षित गर्नु पर्ने नेपाललाई चुनौति रहेको छ।

• #इरान
• #काभा भलिबल
• #काभा वुमन्स नेसन्स भलिबल
• #नेपाल
• #फाइनल