काठमाडौं / आसामको मोरिगाउँमा २७ हजार करोड लगानीमा टाटा समूहले सेमीकन्डक्टर प्लान्ट स्थापना गर्ने भएको छ।​

सेमीकन्डक्टर उद्योग भविष्यको लागि आधारभूत आवश्यकता भएको र चिपहरू मानिसहरूले आफ्नो दैनिक जीवनमा गर्ने लगभग सबै कुराको हिस्सा हुन गइरहेको अवस्थामा टाटा समूहका अध्यक्ष एन चन्द्रशेखरनले उक्त उद्योग स्थापनाको घोषणा गरे।

Advertisement:

उनले उद्योग सन् केही समयमै अर्थात् सन् २०२५ मा सुविधा सम्पन्न भई सञ्चालनमा आउने उनको विश्वास छ। “सेमिकन्डक्टर प्लान्ट भविष्यको लागि आधारभूत प्लान्ट हो। चिप्स हामीले हाम्रो दैनिक , औद्योगिक र उपभोक्ता जीवनमा गर्ने सबै कुराको हिस्सा हुन गइरहेको छ। यसले २७ हजार मानिसहरूले प्रत्यक्ष रोजगारी र थप १२ हजार अप्रत्यक्ष रोजगारीहरू उत्पादन वा रोजगारी दिन्छ,” अध्यक्ष चन्द्रशेखरनले थपे।

आसामका मुख्यमन्त्री हिमन्त विश्व शर्माले यस प्लान्टमा ११ हजार देखि १३ हजार अप्रत्यक्ष रोजगारी सिजना गर्ने अपेक्षा गरिएको उल्लेख गरे।​

यसैबीच, केन्द्रीय सूचनाप्रबिधि मन्त्री अश्विनी वैष्णवले यो प्लान्ट धेरै ठूलो हुने र प्रति दिन करिब ४‍.८३ करोड चिप्स उत्पादन गर्ने बताए।

यस प्लान्टमा प्रयोग गरिने तीनवटै प्रमुख प्रविधिहरू भारतमा विकसित भएका प्लान्टमा उत्पादित चिपहरू विद्युतीय सवारीसाधनमा प्रयोग हुने र व्यावहारिक रूपमा हरेक ठूला कम्पनीले यी चिप्स प्रयोग गर्ने उनले उल्लेख गरे।

• #उद्योग
• #टाटा
• #टाटा मोटर्स
• #सेमीकन्डक्टर
• #सेमीकन्डक्टर उद्योग