महिला एशिया कप अभ्यास खेल : श्रीलंकासँग नेपाली महिला क्रिकेट टोली ३३ रनले पराजित
काठमाडौँ / महिला एशिया कपका लागि आज खेलेको पहिलो अभ्यास खेलमा घरेलु टोली श्रीलंकासँग नेपाली महिला क्रिकेट टोली ३३ रनले पराजित भएको छ। नेपालले जितका लागि ११९ रनको लक्ष्य पाएको थियो।
नवौँ संस्करणको एसीसी महिला एशिया कपमा सहभागी हुन श्रीलंका पुगेको नेपाली महिला क्रिकेट टोलीलाई श्रीलंका डेभलपमेन्ट ११ ले जितका लागि ११९ रनको चुनौती दिएको थियो।
टस जितेर पहिले ब्याटिङ गरेको घरेलु श्रीलंकाले निर्धारित २० ओभरमा ८ विकेट गुमाएर ११८ रन बनाउँदै नेपाललाई जितका लागि ११९को लक्ष्य दिएको थियो।
घरेलु टोलीका लागि आई डुलानी र के नुथ्यांगना दुवैले ४१/४१ बल खेलेर २७/२७ रन बनाए।
नेपालका लागि शबनम राईले १४ रन खर्चेर ३ विकेट र राजमती ऐरीले १२ रन दिएर १ विकेट लिए।
तर १५ ओभरमा छोट्याइएको खेलमा जितको लक्ष्य पनि ९६ रन पाएको नेपालले १५ ओभर खेलेर ९ विकेट गुमाएर ६३ रनमात्र बनाउन सक्यो र ३३ रनले पराजित भयो।
नेपालका लागि रुबिना क्षेत्रीले १७ बलमा १७ रन र सीता राना मगरले २८ बलमा ११ रन बनाए।
घरेलु टोलीका लागि देमी विहंगाले ७ रनमात्र खर्चेर ३ रन र एम शिवानी १० रन दिएर २ विकेट लिए।
नवौँ संस्करणको एशिया कप प्रतियोगिता शुरु हुनुअघि नेपालले ३ अभ्यास खेल खेल्नेछ।
एशिया कप आगामी साउन ४ गतेदेखि १३ गते (जुलाई १९ देखि २८) सम्म श्रीलंकामा हुँदै छ।
प्रतियोगितामा आयोजक श्रीलंका, बंगलादेश, मलेशिया, थाइल्याण्ड, नेपाल, भारत, पाकिस्तान र यूएईसहित ८ टोली सहभागी हुनेछन्।
सहभागी ८ टोलीलाई २ समूहमा विभाजन गरिएको छ।
प्रतिक्रिया दिनुहोस् :
तातोखबर
-
१.
ग्लोबल फाइनान्सको “बेष्ट बैंक अवार्ड” बाट ग्लोबल आइएमई बैंक सम्मानित
-
२.
एसीसी मेन्स इमर्जिङ कपको फाइनलमा आज अफगानिस्तान र श्रीलंका भिड्ने
-
३.
साफ महिला च्याम्पियनसिप : पाँच पटकको विजेता भारतलाई हराउने दाउमा नेपाल
-
४.
जंगलमा हराएका चारजना पर्यटकको सशस्त्र प्रहरीद्वारा उद्धार
-
५.
रविलाई हरहालतमा बचाउँनैपर्छ भन्ने केपी ओली हो, म होइन : प्रचण्ड