काठमाडौँ / स्पेन जारी युरो कप २०२४ को सेमिफाइनलमा पुगेको छ । पहिलो क्वार्टरफाइनल खेलमा स्पेनले आयोजक जर्मनीलाई २–१ गोलले पराजित गरेको  हो ।

खेलको निर्धारित समयमा १-१ गोलको बराबरी भएपछि अतिरिक्त समय थपिएको  थियो । अतिरिक्त समयको पनि अन्तिम मिनेटमा ड्यानी ओल्मोको पासमा गोल गर्दै मिकेल मेरिनोले स्पेनलाई जित दिलाउन मद्दत गरे ।

Advertisement:

खेलको अन्त्यमा ड्यानी कार्भाहालले दोस्रो पहेँलो कार्ड खाँदै मैदान छाडेता परे पनि जर्मनीले त्यसपश्चात गोल फर्काउन सकेन ।

दोस्रो हाफको ५१ औँ मिनेटमा ड्यानी ओल्मोले गोल गर्दै स्पेनलाई अग्रता दिलाए । स्पेन जिततर्फ अग्रसर बनिरहँदा ८९ औँ मिनेटमा फ्लोरियन व्रिट्जले गोल गर्दै जर्मनीलाई खेलमा फर्काएका थिए ।

जारी युरोकपमा स्पेन हालसम्म अपराजित टिम हो । स्पेनले पाँचै खेल जितिसकेको छ । समूहगत चरणमा पहिलो हुँदै स्पेन नकआउट चरणमा प्रवेश गरेको हो ।

स्पेन लगातार दुईपटक युरोकपको उपाधि जित्ने एकमात्र राष्ट्र हो ।

• #क्वार्टरफाइनल
• #जर्मनी
• #फुटबल
• #युरो कप
• #युरो कप २०२४
• #स्पेन