युरो कप २०२४ : स्पेनद्वारा आयोजक जर्मनी पराजित
काठमाडौँ / स्पेन जारी युरो कप २०२४ को सेमिफाइनलमा पुगेको छ । पहिलो क्वार्टरफाइनल खेलमा स्पेनले आयोजक जर्मनीलाई २–१ गोलले पराजित गरेको हो ।
खेलको निर्धारित समयमा १-१ गोलको बराबरी भएपछि अतिरिक्त समय थपिएको थियो । अतिरिक्त समयको पनि अन्तिम मिनेटमा ड्यानी ओल्मोको पासमा गोल गर्दै मिकेल मेरिनोले स्पेनलाई जित दिलाउन मद्दत गरे ।
खेलको अन्त्यमा ड्यानी कार्भाहालले दोस्रो पहेँलो कार्ड खाँदै मैदान छाडेता परे पनि जर्मनीले त्यसपश्चात गोल फर्काउन सकेन ।
दोस्रो हाफको ५१ औँ मिनेटमा ड्यानी ओल्मोले गोल गर्दै स्पेनलाई अग्रता दिलाए । स्पेन जिततर्फ अग्रसर बनिरहँदा ८९ औँ मिनेटमा फ्लोरियन व्रिट्जले गोल गर्दै जर्मनीलाई खेलमा फर्काएका थिए ।
जारी युरोकपमा स्पेन हालसम्म अपराजित टिम हो । स्पेनले पाँचै खेल जितिसकेको छ । समूहगत चरणमा पहिलो हुँदै स्पेन नकआउट चरणमा प्रवेश गरेको हो ।
स्पेन लगातार दुईपटक युरोकपको उपाधि जित्ने एकमात्र राष्ट्र हो ।
प्रतिक्रिया दिनुहोस् :
तातोखबर
-
१.
ग्लोबल फाइनान्सको “बेष्ट बैंक अवार्ड” बाट ग्लोबल आइएमई बैंक सम्मानित
-
२.
एसीसी मेन्स इमर्जिङ कपको फाइनलमा आज अफगानिस्तान र श्रीलंका भिड्ने
-
३.
साफ महिला च्याम्पियनसिप : पाँच पटकको विजेता भारतलाई हराउने दाउमा नेपाल
-
४.
जंगलमा हराएका चारजना पर्यटकको सशस्त्र प्रहरीद्वारा उद्धार
-
५.
रविलाई हरहालतमा बचाउँनैपर्छ भन्ने केपी ओली हो, म होइन : प्रचण्ड