एमाले मकवानपुरको लेखा समिति उपाध्यक्षमा जिल्लाकै कान्छो उम्मेदवार लामिछाने निर्वाचित
तातो खबर
तातोखबर, हेटौंडा / नेकपा एमाले मकवानपुरको नयाँ नेतृत्व चयनका लागि भएको निर्वाचनमा जिल्लाकै कान्छो उम्मेदवार नितेश लामिछाने लेखा समिति उपाध्यक्षमा निर्वाचित भएका छन् । जिल्ला लेखा समिति उपाध्यक्ष पदको निर्वाचनमा निकटतम प्रतिद्धन्दी ऋषि के. वी.ले २१६ मत प्राप्त गर्दा लामिछानेले २७९ मत ल्याएर विजयी भएका छन् । उनका अर्का प्रतिद्धन्दी सन्देश विडारीले १६६ मत पाएका थिए ।
नेकपा एमाले मकवानपुरको नयाँ नेतृत्व चयनका लागि ७ सय ६५ प्रतिनिधिले मतदान गरेका छन् । मतदान आइतबार दिनको ४ बजेर १५ मिनेटमा सुरु भई राती करिब १० बजे मतदान सम्पन्न भएको थियो ।
निर्वाचन समितिले आइतबार दिउँसो १ बजेदेखि मतदान सुरु हुने तालिका सार्बजनिक गरे पनि दिउँसो ४ बजेर १५ मिनेटमा मतदान सुरु भएको थियो ।
जिल्लाका ७ सय ७७ जना प्रतिनिधि मध्ये १२ जना अनुपस्थित रहेका थिए । एमाले मकवानपुरको ५ पदाधिकारीसहित १०५ सदस्यीय जिल्ला कमिटी चयनका लागि निर्वाचन भएको हो । मतगणना भने हेटौँडा-४ स्थित भुवनेश्वर मन्दिरको सभाहलमा सम्पन्न भएको थियो ।
सम्पन्न निर्वाचनमा नेकपा एमाले मकवानपुरको अध्यक्षमा श्रीधर पोखरेल निर्वाचित भएका छन् । एमाले जिल्ला अध्यक्षका अर्का प्रत्यासी इन्द्रमान स्याङ्तानलाई पराजित गर्दै पोखरेल निर्वाचित भएका हुन् ।
पोखरेलले ३१३ मत प्राप्त गर्दा स्याङ्तानले २६२ मत प्राप्त गरेका थिए ।
प्रतिक्रिया दिनुहोस् :
तातोखबर
धेरै हेरिएको
-
आत्महत्या गरेका देवकोटालाई नेपाल इन्भेष्टमेन्ट मेगा बैंकमा उपस्थित हुन ३५ दिने सुचना
-
बैंकका अपरेशन इन्चार्जमाथि प्रभु बैंक गण्डकी प्रदेश अधिकृतको हातपात
-
चन्द्रागिरि हिल्स : धर्मको नाममा लुट्ने मेसो, भालेश्वर मन्दिर दर्शन गर्न कम्तिमा १०० तिर्नुपर्ने
-
तत्कालिन सेञ्चुरी बैंक ऋण दुरुपयोग, प्रभु उच्च व्यवस्थापनको छुट्टै खेल
