सप्तऋषि आयुर्वेदकको तेल बेच्ने ठगी धन्दा, श्री केश तेल बारे समाचार नलेख्न धम्की
तातो खबर
काठमाडौं / बजारमा सप्तऋषि आयुर्वेदको ३२ जडीबुटी युक्त भनिएको श्रीकेशको ठगी धन्दा पर्दाफास भएकाे छ। कम्पनीले कपाल झर्न रोक्ने,चाँया हटाउने,नयाँ कपाल पलाउने,टाउको चिलाउन रोक्ने,कपाल सिल्की बनाउने जस्ता प्रचार गरेर ठगी गर्ने गरेको विभिन्न सञ्चार माध्याममा समाचार प्रकाशित भएपछि समाचार राेक्न धेरै पत्रकार तथा संचारमाध्यमलाइ विज्ञापनकाे प्रलाेभन देखाउने समाचार नलेख्नसम्मका धम्की दिने लगायतका कार्य गर्न थालेको छ ।
नेपालमा उत्पादन समेत नभएकाे तेललाइ नेपाली ब्राण्ड भन्दै सर्वसाधारणलाइ झुक्काएर खुलेआम ठगी गरेकाे स्पष्ट पाइन्छ । भारतमा उत्पादित तेललाइ नेपाली उत्पादन भन्दै तेल बिक्री गरेकाे ग्राहकहरूले नै गुनासो गरेका छन्।
कपाल झर्न रोक्ने भन्दै औषधीय प्रयोजनमा निकै विज्ञापन गरेर चर्चामा रहेको श्रीकेश तेल नेपालमा अवैध रुपमा विक्री वितरण भएकाे समाचार प्रकाशित भएपछि श्रीकेश तेलका संचालक टिकाराम बुढाथोकीले आफ्ना कर्तु लुकाउन विज्ञापन दिनेदेखि विभिन्न मान्छे प्रयाेग गरि धम्क्याउने सम्मका काम गरिरहेको तथ्य बाहिरिएको छ ।
पछिल्लो समय वरिष्ठ कलाकारदेखि पूर्व राष्ट्रपतिहुँदै प्रधानमन्त्रीसम्मको हातमा यो तेल देखिन थालेपछि संचालकको मनोबल बढेको देखिन्छ । सबै पत्रकार पैसामा बिक्दैनन् भन्ने हेक्का संचालक टिकाराम बुढाथोकीले राख्न पर्ने हो यो तेल सम्बन्धित निकायबाट उत्पादन अनुमति समेत नलिई विक्री वितरण हुँदै आएको कुरा समेत बाहिरिएको हो।
उत्पादक सप्तऋषी आयुर्वेद नामक अस्पतालले यो तेल उत्पादन र विक्री वितरण गर्दै आएको छ । प्रति बोत्तल ३ हजार रुपैयाँमा विक्री हुँदै आएको यो तेल वैज्ञानिक र प्रमाणित नहुँदै करोडौँ रुपियाँ बराबरको कारोबार कम्पनीले गरिसकेको छ । तर,सरोकारवाला निकायले भने मौन छन् ।
औषधी व्यवस्था विभागमा दर्ता भेटिएन
आयुर्वेद औषधालयका प्रमुख चिकित्सक डा.रुपेन्द्र पुरीले भने यो तेलबारे आफूहरुलाई कुनै जानकारी नभएको र याे विषयमा धेरै बाेली सकेकाे बताए। औषधी व्यवस्था विभागमा दर्ता हुनुपर्छ तर सप्तऋशी आयूर्वेद नामको संस्था औषधि व्यवस्था विभागमा दर्ता नै भएको छैन,उनले भने, हामीले यहाँ दर्ता गरिसकेपछि उक्त संस्थाले के कस्तो औषधि उत्पादन गर्ने हो भनेर यसको चेकजाँच गर्ने हो । तर यो संस्था विभागमा दर्ता नै नभएका कारण हामीलाई यस विषयमा जानकारी भएन । यसरी दर्ता नै नगरी सञ्चालन गरिनु ठाडै अवैधानिक देखिन्छ यस्ता अवैधानिक कार्य गर्नेलाइ सरकारका सम्बन्धित निकायले कारबाहीकाे दाहेरामा ल्याउनु पर्ने पुरीको भनाइ थियो ।
के भन्छ शप्तऋशी आयुर्वेद संस्था
पछिल्लो समय श्रीकेश तेल निकै चर्चामा रहेको छ। यसको आधिकारिक विवरण भने अहिलेसम्म पत्ता लागेको छैन हामीले यो तेल र यसको उत्पादन गर्दै आएको सप्तऋशी आयुर्वेदसंस्थासँग यसबारे जानकारी लिन खोज्दा संस्था नै पन्छिएको छ। तर पन्छिदैमा कुनै समस्याकाे समाधान हुने भने हाेइन बजारमा ब्रमलुट गरेकाे श्रीकेश तेलले यतिकाे पन्छिनु खासै ठूलाे कुरा भने हाेइन।
टिकाराम बुढाथाेकीका मेनेजर बताउने नवराज विश्वकर्माले भने तपाइहरू अफिसमै आउनुस् यतै कुरा गराैला फाेनबाट कुरा गरेर मात्र हुँदैन । हामीले गर्ने ठाउँमा दर्ता गरेका छाैं उनले अल्मलिदै भने,अब त्यस्तो न्युजमा त खै अहिले के गर्नु यसो भेटेर गफ गरौला नि हुन्न ? अफिस तीर आउन उनले अनुरोध गरे ।
औषधी व्यवस्था विभागका एक अधिकारी उक्त तेल उत्पादक कम्पनी औषधि व्यवस्था विभागमा दर्ता नभएको जनाए । काठमाडौंको मध्य बानेश्वरमा रहेको सप्तऋषी आयुर्वेद मूलत आयुर्वेद अस्पताल हो । आयुर्वेद अस्पतालले ओपीडि, ल्याब संचालन गरिरहेको बोर्ड टाँसेको छ । अस्पतालले आयुर्वेदिक तेल भन्दै चिकित्सकीय प्रयोजनका लागि भन्दै तेल विक्री गरिरहेको छ ।
यस्ताे छ आयुर्वेद चिकित्सा परिषद ऐन २०४५ (तेस्रो संशोधन २०७४) अनुसार आयुर्वेद चिकित्सा व्यावसया गर्नका लागि दर्ता नभएका चिकित्सकले यो व्यवसाय गर्न पाइँदैन। यो ऐनको दफा ५.१.१ अनुसार दर्तावाला चिकित्सकले बाहेक अरु कसैले पनि प्रत्यक्ष वा अप्रत्यक्ष रुपले आयुर्वेद चिकित्साको व्यावसाय गर्न पाउने छैन। यो ऐन अनुसार बुढाथोकी चिकित्सक होइनन्। तर, उनले आयुर्वेद चिकित्साको उत्पादन भन्दै श्रीकेश तेल विक्री गर्दै आइरहेका छन्।
भ्याट छली
उत्पादक कम्पनि सप्तऋषि आयुर्वेदले प्रति बोत्तल ३ हजार रुपैयाँ असुली गरिरहेको छ। तर, मूल्य निर्धारण कुनै निकायबाट नभई कम्पनिले आफै खुशी गरेको हो। यो तेल खरिद गर्दा खरिदकर्ताले भ्याट बिल समेत पाउँदैनन्। विभिन्न कम्पनिको नाममा प्यान बिल दिइन्छ।
संचालक टिकाराम बुढाथोकीमाथि ठगीको आरोप
त्यसो त संचालक टिकाराम बुढाथोकीमाथि यसअघि पनि विभिन्न रोग ठीक पारिदिने भन्दै भ्रम फैलाएर औषधी विक्री गरेको अभियोगमा जिल्ला प्रशासन कार्यालय र प्रहरीमा उजुरी परेको थियो। तर,उनी कारबाहीबाट बच्न विभिन्न तरिका अपनाउने गरेका छन्।
हामीले प्रतिक्रियाका लागि टिकाराम बुढाथोकीको भनिएको नम्बरमा सम्पर्क गरेका थियाै। तर, उनको नम्बरमा फोन गर्दा उनका म्यानेजर बताउने एक व्यक्तिले फोन उठाउने गरेका थिए। तर आज म्यानेजर बताउने ती व्यक्तिले समेत फाेन उठाउन छाेडेका छन् ।
हामीले श्रीकेश तेल उत्पादक कम्पनि सप्तऋषि आयुर्वेद कहाँ दर्ता छ भनि प्रश्न गर्दा कम्पनिमा दर्ता रहेको तथ्य फेला परेको थियाे। तर, आयुर्वेद विभाग र औषधी व्यवस्था विभागमा दर्ता नभएको एक उच्च स्राेतले बताएकाे छ।
कम्पनी म्यानेजर नवराज विश्वकर्मा भन्छन्, ‘कस्मेटिक डाक्टरले पुष्टि गरिदिएका छन्’
यता कम्पनीका म्यानेजर बताउने नवराज विश्वकर्माले भने कस्मेटिक डक्टरको टिमले पुष्टि गरेपछि मात्रै उक्त तेल उत्पादन र विक्री भएको बताए । उनले सप्तऋषी आयुर्वेद घरेलु उधोगमा दर्ता भएको समेत उनले दाबी गरे ।
दर्ताका लागि विभिन्न निकाय धाउने काम गरिरहेको समेत उनले बताए । औषधी व्यवस्था विभागमा दर्ता नभएको उनले नै स्विकार गरे। तर, कम्पनिले भने औषधीय प्रयोजनका लागि यो तेल विक्री गर्दै आएको छ। कम्पनिले औषधीय प्रयोजनका लागि कुनै पनि व्यवसाय गर्न नपाउने जानकारहरू बताउछन्।
प्रतिक्रिया दिनुहोस् :
तातोखबर
धेरै हेरिएको
-
आत्महत्या गरेका देवकोटालाई नेपाल इन्भेष्टमेन्ट मेगा बैंकमा उपस्थित हुन ३५ दिने सुचना
-
बैंकका अपरेशन इन्चार्जमाथि प्रभु बैंक गण्डकी प्रदेश अधिकृतको हातपात
-
चन्द्रागिरि हिल्स : धर्मको नाममा लुट्ने मेसो, भालेश्वर मन्दिर दर्शन गर्न कम्तिमा १०० तिर्नुपर्ने
-
तत्कालिन सेञ्चुरी बैंक ऋण दुरुपयोग, प्रभु उच्च व्यवस्थापनको छुट्टै खेल
