तातोखबर, चितवन / नेकपा एमाले चितवनको अध्यक्षमा कमलराज पाठक निर्वाचित भएका छन् ।

एमाले चितवनको ११औँ जिल्ला अधिवेशन आज बिहान सम्पन्न मतगणनाबाट ६ सय ६ मत प्राप्त गर्दै पाठक अध्यक्ष निर्वाचित भए । उनका निकटतम प्रतिद्धन्दी घनश्याम कँडेलले ९३ मत प्राप्त गरे। पाठक यसअघिको कार्यसमितिमा उपाध्यक्ष थिए ।

Advertisement:

उपाध्यक्षमा श्याम कुमार बिष्ट ४०४ मत प्राप्त गर्दै विजयी भए । उनका प्रतिस्पर्धी कृष्णकुमार डल्लाकोटीले २८४ मत प्राप्त गरे । सचिवमा प्रकाश ढुङ्गाना ४६६ मत प्राप्त गर्दै विजयी भए । प्रतिस्पर्धी पदमपाणि सुवेदीले २२१ मत प्राप्त गरे । यस्तै उपसचिव(खुल्ला) मा २४० मत प्राप्त गर्दै मीनबहादुर परियार विजयी भए ।  केशव आचार्यले २०६ मत, टीकाराज रिजालले १५० मत र गोपाल परियारले ७९ मत प्राप्त गरे ।

उपसचिव (महिला) तर्फ ज्वाला पुरी वनले ३६६ मतका साथ विजयी भइन्। प्रतिस्पर्धी जानकी शर्माले ३१० मत प्राप्त गरिन् ।

• #कमलराज पाठक
• #जिल्ला अधिवेशन
• #निर्वाचित
• #नेकपा एमाले