कैलाश सिरोहियामाथि अनुसन्धान गर्न तीन दिनको म्याद थप
तातो खबर
काठमाडौँ / नागरिकता किर्ते कसुरमा पक्राउ परेका कान्तिपुर मिडिया ग्रुपका अध्यक्ष कैलाश सिरोहियामाथि अनुसन्धान गर्न प्रहरीले थप तीन दिनको म्याद पाएको छ।
अब उनी ३ दिन प्रहरी हिरासतमै रहने भएका छन्। यसअघि बुधबार पनि उनलाई धनुषाा जिल्ला अदालतले ३ दिन हिरासतमा राखेर अनुसन्धान गर्न अनुमति दिएको थियो। मंगलवार थापाथलीस्थित कार्यालयबाटै पक्राउ परेका सिरोहियालाई त्यही दिन धनुषा लगिएको थियो।
आज न्यायाधीश रोमाकान्त ज्ञवालीको इजलासले तीन दिन हिरासतमा राखेर अनुसन्धान गर्न आदेश दिएको अदालतका सूचना अधिकारी डम्बरप्रसाद घिमिरेले बताए। जिल्ला सरकारी वकिलको कार्यालयले भने ५ दिन मागेको थियो।
सिरोहिया पक्षका वकिलहरूले गैरकानुनी धरपकड गरेको र मुद्दा थुनामा राख्ने खालको नभएकाले छाड्न माग गरेका थिए। आज अदालतमा पेस हुनु अघि सरकारी वकिलको कार्यालयमा उनीसँग बयान लिइएको थियो।
प्रतिक्रिया दिनुहोस् :
तातोखबर
धेरै हेरिएको
-
आत्महत्या गरेका देवकोटालाई नेपाल इन्भेष्टमेन्ट मेगा बैंकमा उपस्थित हुन ३५ दिने सुचना
-
बैंकका अपरेशन इन्चार्जमाथि प्रभु बैंक गण्डकी प्रदेश अधिकृतको हातपात
-
चन्द्रागिरि हिल्स : धर्मको नाममा लुट्ने मेसो, भालेश्वर मन्दिर दर्शन गर्न कम्तिमा १०० तिर्नुपर्ने
-
तत्कालिन सेञ्चुरी बैंक ऋण दुरुपयोग, प्रभु उच्च व्यवस्थापनको छुट्टै खेल
