पोलको भाडा नबुझाउनेको तार टेलिकमले हटाउने
![Nepal Telecom](https://www.tatokhabar.com/wp-content/uploads/2022/06/Nepal-Telecom.jpg)
तातोखबर, काठमाडौं / नेपाल टेलिकमले आफ्नो पोल प्रयोग गरी भाडा नतिर्ने केबल टीभी अपरेटर र इन्टरनेट सर्भिस प्रोभाइडर कम्पनीहरूको तार हटाउने भएको छ । टेलिकमले सूचना जारी जेठ महिनाको अन्तिमसम्म भाडा नबुझाए सबै तार हटाउने बताएको छ ।
टीभी र इन्टरनेट कम्पनीहरूले पोल प्रयोग गर्न तुरुन्त सम्झौता गरी अनिवार्य रूपमा आर्थिक वर्ष २०८०/८१ सम्मको भाडा बापतको रकम जेठ मसान्तभित्र बुझाउन भनेको छ ।
सम्झौता तथा भाडा भुक्तानी नगरी पोल प्रयोग गर्न सेवा प्रदायकहरूको केबलहरू यस कम्पनीले २०८१ असार १ गतेदेखि कुनै पनि समयमा टेलिकमको पोलबाट हटाउन सक्ने र सोबाट उत्पन्न हुने परिस्थितिका लागि सेवा प्रदायक स्वयं नै जिम्मेवार हुने व्यहोरा समेत जानकारी गराइन्छ’, सूचनामा भनिएको छ ।
![](https://www.tatokhabar.com/wp-content/uploads/2023/10/daju-bhai-ad-1.gif)