अमेरिकी राष्ट्रपति जो बाइडेनले हमासले बन्धक रिहा गरे पछिमात्रै इजरायल र प्यालेस्टाइनबीच युद्धविराम हुने ताजा प्रतिक्रिया दिएका छन् ।

सियाटलमा एक कार्यक्रममा सम्बोधन गर्दै राष्ट्रपति बाइडेनले बन्धक रिहा गर्ने हमास र युद्धविराम लागू गर्ने कुरा प्यालेस्टाइनको हातमा रहेको बताए । उनले रफाहमा इजरायलको गरेको आक्रमणको विरोध समेत गरे।

Advertisement:

बाइडेनले बुधबार पनि रफाहमा इजरायलले गरेको कारबाहीको विरोध गर्दै हतियारको आपूर्ति बन्द गर्ने चेतावनी दिएका थिए।

हमासले गत वर्ष अक्टोबर ७ मा इजरायलमा स्थल र हवाइ हमला गरेका थिए। यो हमलामा एक हजार १७० भन्दा बढी मानिस मारिएका थिए। त्यतिवेला २५० जनालाई अपहरण गरी गाजापट्टी लगिएको थियो । त्यसयता तीमध्ये आधा बन्धक अझै हमासको नियन्त्रणमा छन् ।

इजरायलको जवाफी हमलामा गाजामा अहिलेसम्म ३४ हजारभन्दा बढी मानिसको मृत्यु भएको छ। तर हमास र इजरायल अहिलेसम्म युद्धविराम सम्झौतामा पुग्न असफल भएका छन्।

• #इजरायल
• #इसराइल-हमास युद्ध
• #जो बाइडेन
• #प्यालेस्टाइन
• #बन्धक
• #राष्ट्रपति
• #हमास