महेश बस्नेतविरुद्ध बलात्कार आरोपमा जाहेरी दर्ता
![](https://www.tatokhabar.com/wp-content/uploads/2024/04/mahesh_basnet_rape_case.jpg)
तातोखबर, काठमाडौँ / नेकपा एमालेका नेता एवम् पूर्वमन्त्री महेश बस्नेतविरुद्ध फौजदारी कसुरसँग सम्बन्धित जाहेरी दर्ता भएको छ। एक युवतीले बस्नतेलाई भ्रुण हत्या, बलात्कार र डाँका चोरी गरेको आरोपमा जिल्ला प्रहरी परिसर काठमाडौँमा जाहेरी दर्ता गराएकी छिन् ।
पीडितले हुलाकमार्फत पठाएको जाहेरी मार्फत दर्ता गरिएको प्रहरीले बताएको छ । बस्नेतले आफूलाई दुई पटक बलात्कार गरेको पीडित युवतीले आरोप लगाएकी छन् । बस्नेतमाथि २ महिना १५ दिनको भ्रुण हत्या गरेको आरोप पनि छ ।
औषधि खुवाएर र अप्रेसन गरेर दुई पटक भ्रुण हत्या गरेको पीडितले आरोप लगाएकी छन् । बलात्कार र भ्रुण हत्याको प्रमाण लुकाउन बस्नेतको निर्देशनमा आफ्नो अपर्टमेन्टमा डाँका चोरीसमेत गरिएको दावी पीडितले गरेकी छिन् ।
![](https://www.tatokhabar.com/wp-content/uploads/2023/10/daju-bhai-ad-1.gif)