इलाम मतगणना अपडेट : सुहाङलाई ४ हजार मतको अग्रता
तातो खबर
तातोखबर, इलाम / इलाम-२मा जारी उपनिर्वाचनको मतगणनामा नेकपा एमालेका उम्मेदवार सुहाङ नेम्बाङले झण्डै ४ हजार मतको अग्रता बनाएका छन् । पछिल्लो मत परिणामअनुसार नेम्वाङले ११ हजार ७८ मत पाएका छन् । उनका निकटतम प्रतिस्पर्धी कांग्रेस उम्मेदवार डम्बरबहादुर खड्काले ७ हजार ३ सय २४ मत प्राप्त गरेका छन् । नेम्वाङ र खड्काबीचको मतान्तर ३ हजार ७ सय ५४ रहेको छ ।
त्यस्तै स्वतन्त्र उम्मेदवार डकेन्द्रसिंह लिम्बू ६ हजार ९ सय १ मतसहित तेस्रो स्थानमा रहेका छन्। राष्ट्रिय स्वतन्त्र पार्टीका उम्मेदवार मिलन लिम्बूले १ हजार ५ सय १२ मत ल्याएका छन् ।
नेकपा एकीकृत समाजवादीका उम्मेदवार जितबहादुर राईले २ सय ६० मत प्राप्त गरेका छन् ।
इलाम–२हालसम्म फाकफोकथुम, चुलाचुली र माङ्सेबुङ गाउँपालिकाको मतगणना सकिएको मुख्य निर्वाचन अधिकृतको कार्यालयले जनाएको छ। अहिले माई नगरपालिका-६ र ७ मा मतगणना भइरहेको छ। एक लाख १५ हजार आठ सय ८९ मतदाता रहेको सो निर्वाचन क्षेत्रमा ६९ हजार दुई सय ८७ मत खसेको थियो ।
प्रतिक्रिया दिनुहोस् :
तातोखबर
-
१.
छानबिन समितिको कार्यादेश टुंगो लगाउन आज पनि बैठक बस्दै
-
२.
संघीय संसदका दुवै सदनको बैठक बस्दै, कांग्रेसले बैठक चल्न नदिने
-
३.
आइपीएल : फाइनल प्रवेशका लागि आज कोलकाता र हैदराबाद भिड्दै
-
४.
बहुमतको दम्भमा आजै विश्वासको मत लिनु नौलो र दुःखदायी घटना : काँग्रेस
-
५.
राष्ट्रियसभा राजनीतिक समस्या समाधान गर्ने थलोका रूपमा स्थापित हुनुपर्ने : दाहाल
धेरै हेरिएको
