NTC App - Ad

कतारी राजा र प्रधानमन्त्रीबिच भेटवार्ता, द्विपक्षीय सम्झौतामा हस्ताक्षर

sheikh-tamin-bin-hamad-al-thani-prachand

तातोखबर, काठमाडौं / नेपालमा रहेका कतारका शेख तमिम बिन हमाद अल थानीले बुधबार प्रधानमन्त्री पुष्पकमल दाहाल ‘प्रचण्ड’सँग भेटवार्ता गर्दैछन् ।

दुईदिने भ्रमणका क्रममा मंगलबार अपराह्न नेपाल आइपुगेका थानीले बुधबार बिहान प्रधानमन्त्रीसँग भेटवार्ता गर्न लागेका हुन्। बिहान साढे १० बजे सोल्टी होटलमा द्विपक्षीय भेटवार्ता हुने प्रधानमन्त्रीका प्रेस सल्लाहकार गोविन्द आर्चायले जानकारी दिएका छन् ।

Advertisement:sheikh-tamin-bin-hamad-al-thani-prachand

वार्तापछि उनीहरू द्विपक्षीय सम्झौता र समझदारीपत्रमा हस्ताक्षर गर्ने कार्यक्रममा सहभागी हुनेछन्। नेपाल र कतारबीचको युवा तथा खेलकुद सहयोग, उच्च शिक्षा तथा वैज्ञानिक अनुसन्धानका क्षेत्रमा सहयोगसम्बन्धी समझदारीपत्रमा हस्ताक्षर हुनेछ।

यस्तै राष्ट्रिय समाचार समिति (रासस) र कतार न्यूज एजेन्सीबीच समाचार आदाप्रदानसम्बन्धी समझदारीपत्रमा पनि हस्ताक्षर हुनेछ । दुई देशबीच कला र संस्कृति, महान्यायाधिवक्ताको कार्यालयसम्बन्धी र वैदेशिक मामिलासम्बन्धी सम्झदारीपत्रमा हस्ताक्षर गर्ने कार्यक्रम रहेका परराष्ट्र मन्त्रालयका प्रवक्ता अमृतबहादुर राईले बताए।

यसअघि थानीले मंगलबार साँझ राष्ट्रपति पौडेलसँग शीतलनिवासमा भेट गरेका थिए । कतारी राजाको सम्मानमा राष्ट्रपति पौडेलले रात्रिभोज आयोजना गरेका थिए। थानी आजै अपराह्न स्वदेश फर्किनेछन् ।

Daju Bhai Sweets - Hetauda

प्रतिक्रिया दिनुहोस् :