तातोखबर, काठमाडौँ / आज काठमाडौँस्थित त्रिभुवन अन्तर्राष्ट्रिय विमानस्थलबाट प्रहरीले करिब ८५० ग्राम सुन सहित एक भारतीय महिलालाई पक्राउ गरेको छ ।

सुन भारतीय महिला सहिना प्रभिनले भित्री वस्त्रमा लुकाएर ल्याएको प्रहरीले बाताएको छ । प्लास्टिकभित्र राखेर ल्याएको अवस्थामा काँचो सुन बरामद गरिएको विमानस्थल सुरक्षा कार्यालयका एसएसपी कृष्णहरि शर्माले जानकारी दिएका छन् ।

Advertisement:

अन्डरवेयरभित्र लुकाएर ल्याएको अवस्थामा आगमन टनेल गेटबाट उनलाई पक्राउ गरिएको प्रहरीले जनाएको छ । यसअघि बुधवार विमानस्थलबाट एक किलो ७० ग्राम सुन बरामद भएको थियो ।

भारतबाट आइ विमानस्थलमा अवतरण गरेर पार्किङ गरेको इन्डिगो विमानको सिट पछाडी लुकाएर राखिएको अवस्थामा उक्त सुन बरामद गरिएको हो । सुन तस्करको भने पहिचान भएको छैन ।

• ## प्रहरी
• #त्रिभुवन अन्तर्राष्ट्रिय विमानस्थल
• #पक्राउ
• #विमानस्थल
• #सुन