हेटौंडामा दुई वटा मोटरसाइकल आपसमा ठोक्कियो
हेटौंडा संवाददाता
हेटौंडा – मकवानपुरको हेटौंडा उपमहानगरपालिका वडा नं.११ थानाभर्याङमा दुई मोटरसाइकल एकआपसमा ठोक्किएर दुर्घटना हुँदा दूई जना घाइते भएका छन् ।
हेटौंडाबाट नवलपुरतर्फ जादै गरेको ना३प ३४९३ नम्बरको मोटरसाइकल साईड लगाउने क्रममा सोही दिशातर्फ जाँदै गरेको बा ५२ प ४२९६ नम्बरको मोटरसाइकल शनिबार एकआपसमा ठोक्किएर दुर्घटना भएको हो ।
दुर्घटनामा बा ५२ प ४२९६ नम्बरको मोटरसाइकलमा सवार हेटौंडा उपमहानगरपालिका वडा नं.३ बसामाडी बस्ने बर्ष २९ को प्रतिक थापा र मनहरी गाउँपालिका वडा नं.१ बस्ने बर्ष ३१ को प्रकाश रुम्बा घाइते भएको बागमती प्रदेश प्रहरी कार्यालय हेटौंडाले जनाएको छ ।
प्रहरीका अनुसार घाइते मध्ये थापाको अवस्था गम्भीर रहेको छ । टाउकोमा गम्भीर चोट लागेको उनको हेटौंडाको चुरेहिल अस्पतालमा उपचार सम्भव नभएपछि थप उपचारको लागि पुरानो मेडिकल कलेज चितवनमा पठाईएको प्रहरीले जनाएको छ । अर्का घाइते रुम्बाको चुरेहिल अस्पतालमा उपचार भइरहेको बताईएको छ ।
प्रतिक्रिया दिनुहोस् :
तातोखबर
धेरै हेरिएको
-
आत्महत्या गरेका देवकोटालाई नेपाल इन्भेष्टमेन्ट मेगा बैंकमा उपस्थित हुन ३५ दिने सुचना
-
बैंकका अपरेशन इन्चार्जमाथि प्रभु बैंक गण्डकी प्रदेश अधिकृतको हातपात
-
चन्द्रागिरि हिल्स : धर्मको नाममा लुट्ने मेसो, भालेश्वर मन्दिर दर्शन गर्न कम्तिमा १०० तिर्नुपर्ने
-
तत्कालिन सेञ्चुरी बैंक ऋण दुरुपयोग, प्रभु उच्च व्यवस्थापनको छुट्टै खेल
