मकवानपुरको मनहरीमा जंगली हात्तीको आतंक, चार घरमा क्षति



तातोखबर, हेटौंडा: मकवानपुरको मनहरी गाउँपालिकामा जंगली हात्तीले आतंक मच्चाएको छ । आज बिहान मनहरी ७ स्थित रमौलीमा छिरेको जंगली हात्तीले चार वटा घरमा क्षति गरेको छ ।

बिहान ६ बजेको समयमा पर्सा राष्ट्रिय निकुञ्जको जंगलबाट गाउँ छिरेको हात्तीले रमौलीका खड्ग ब।थिङको काठ र टिनले बनेको भान्साकोठा भत्काई नष्ट गरेको छ भने भगवती सुवेदीको घरको अगाडिको काठको पाली भत्काएको छ । त्यस्तै अर्जुन दहालको घरको अगाडिको काठको पाली भत्काई धान खाइदिनुका साथै चित्र बहादुर घलानको घरको जस्ता भत्काएको जिल्ला प्रहरी कार्यालय मकवानपुरले जनाएको छ ।

हात्तीले क्षति गरेको सम्बन्धमा जानकारी पाएपछि पर्सा राष्ट्रिय निकुञ्जबाट नेपाली सेना, सहायक प्रहरी पोष्ट कत्ले खोला र मनहरीबाट टोली खटिएको टोलीले हात्तीलाई जङगल तर्फ लखटेको प्रहरीले जनाएको छ ।

मनहरीमा पनि जंगली हात्तीले मानवीय तथा भौतिक क्षति गरिरहेभए पनि त्यसको दीर्घकालीन समाधानमा भने सम्बन्धित पक्षले चासो दिइरहेको छैन ।



प्रतिक्रिया दिनुहोस !
ताजा
सम्बन्धित खबरहरु

काठमाडौं, १३ फागुन/ निर्वाचन आयोगले संघीय संसद र प्रदेश सभाको रिक्त रहेका एक एक पदका लागि उपनिर्वाचनको मिति तोकेको छ

काठमाडौं : आईसीसी क्रिकेट विश्वकप लिग–२ अन्तर्गत त्रिदेशीय शृंखलामा नेपालले नेदरल्यान्ड्सविरुद्ध छैटौँ विकेट गुमाएको छ। भीम सार्की ८ बल खेल्दै शून्यमा आउट

तातोखबर, काठमाडौं / संघीय संसदअन्तर्गत प्रतिनिधिसभा बैठक आज बसिरहेको छ। बिहान ११ बजे सुरु भएको आजको बैठकमा एउटामात्रै व्यवस्थापकीय कार्यको